Senattyń Áleýmettik-mádenı damý jáne ǵylym komıtetiniń tóraǵasy Nurtóre Júsiptiń aıtýynsha, Áleýmettik kodeks – bul eldegi áleýmettik saıasatty jaqsartý jolyndaǵy taǵy bir qadam bolyp otyr. Senator qujatta halyqaralyq deńgeıde moıyndalǵan jáne belgilengen jańalyqtar qamtylǵanyn atap ótti.
«Áleýmettik kodeks jobasynda ana men balany ulttyq demografııalyq saıasattyń faktory retinde qoldaý tetikteri, eńbek naryǵyn damytýdy uıymdastyrý jáne jumysqa ornalasýǵa kómek kórsetý, az qamtylǵan otbasylardyń materıaldyq ál-aýqatyn arttyrýǵa kómektesý, arnaýly áleýmettik qyzmetter júıesin jetildirý, múgedek adamdardy áleýmettik qorǵaý boıynsha jańa sharalar kózdelgen», dedi senator.
Eńbek jáne halyqty áleýmettik qorǵaý mınıstri Tamara Dúısenova kodekstegi negizgi jańalyqtar týraly shaǵyn aqparat berdi. Olardyń qatarynda áleýmettik qyzmet kórsetý júıesin jetildirý, memlekettik qoldaýdyń jańa túrleri, áleýmettik saqtandyrý men zeınetaqylardyń jaqsartylǵan júıesi jáne basqalary bar.
Tanystyrý barysynda kodekste qazirgi ýaqytta ıkemdi jumyspen qamtý, jas jumys kúshiniń kóbeıýi, áleýmettik qamsyzdandyrý júıesine ózin-ózi jumyspen qamtyǵandardyń tolyq qatyspaý máseleleri bar ekenin atap ótti.
Jalpy alǵanda Kodeks jobasynda Qazaqstannyń áleýmettik salasyn nyǵaıtý men damytý úshin bazalyq jaǵdaılar jasaýǵa baǵyttalǵan 50-den astam zańǵa ózgerister men tolyqtyrýlar kózdelgen.
