Tóle bı atyndaǵy mekteptiń oqýshysy Artem Mýravev aýyl mańyndaǵy qyrda oınap júrip, beımálim tańbalary men keramıkalyq buıymdary bar bilezikti kózi shalady. Budan keıin taǵy bir mektep oqýshysy Qasymhan Jumabaı qola syrǵalar men bilezikterdi qolyna túsirgen. Kóne dáýirlerdiń kózindeı bolǵan jádigerlerdi tapqan jasóspirimder kezdeısoq kezikken oljalary týraly úlkenderge habarlaıdy.
– Atalǵan jádigerlerdi dostarymmen oınap júrgen kezde taýyp aldym. Jer qyrtysynan jyltyraǵan áldebir zatty kózim shaldy. Qarap turmaı qazyp alýǵa tyrystym. Qolǵa túsirgennen keıin jádigerdi mektepke apardym, – deıdi Artem Mýravev.
Tórtkúl tóbesinen tabylǵan kóne jádigerler tarıhı mura ekeni talas týdyrmaıdy. Ǵalymdardyń paıymyna salsaq, bir kezderi bul mańda Qarluq qaǵanaty ústemdik qurǵan eken. Al bir ǵasyrdan keıin qarahandyqtar kelgen kórinedi.
– Osy tóbege kóterilgen adam aýylymyzdyń tamasha tabıǵatyna tamsanatyny daýsyz. Tórtkúlge shyqqanda aıaq asty jatqan tarıhı jádigerdi taptym. Keıin mektepke aparyp tapsyrdym, – deıdi Qasymhan Jumabaı.
Mamandardyń sózine sensek, yqylym zamanda tóbe mańynda «Adahnet» degen aýyl bolǵan. Tóbe Uly Jibek jolynyń negizgi bóligine jatpasa da, munda saýda-sattyq jaqsy damyǵan kórinedi.
Jambyl oblysy,
Jambyl aýdany
