Batys Qazaqstan oblysyna suıytylǵan gazdy Atyraý munaı óńdeý zaýyty jetkizedi. Zaýyttaǵy jospardan tys jóndeýden keıin tapshylyq oryn aldy. 1 aqpanda ol jerde qondyrǵylardyń biriniń jumysyn toqtatýǵa týra keldi.
Jóndeý jumystary 18 aqpanǵa deıin aıaqtalady dep josparlanǵan. Al 23 aqpan kúni kompanııa ádettegideı jumys isteýi kerek. Endi óńirge otyndy qaıdan aldyrý kerek ekeni talqylanyp jatyr.
«Bıyl 4 aqpannan bastap Batys Qazaqstan oblysyna jóneltý toqtatyldy. Qazirgi ýaqytta Zhaikmunai kompanııasymen jetispeıtin kólemderdi bólý týraly kelissózder júrgizildi. Ázirge oblystyń ishki naryǵy úshin myń tonnaǵa jýyq kelisim jasaldy», dedi BQO energetıka jáne TKSh basqarmasynyń bólim basshysy Ásel Ábýova.
Bıliktiń málimetinshe, qalǵan 500 tonna otyn qory úsh kúnge jetedi.
Gúlshahra SANSYZBAI
