Vedomstvo habarlaǵandaı, Kaspıı jaǵalaýynda tabylǵan ıtbalyqtardyń ushasyna qatysty zertteýmen ǵylymı uıymdar men quzyretti memlekettik organdardyń ókilderinen turatyn jumys toby aınalysqan.
Zertteý qorytyndysyna sáıkes, Kaspıı ıtbalyqtarynyń jappaı qyrylý sebebi - morbıllıvırýstyq ınfeksııanyń órshýi nátıjesinde paıda bolǵan pnevmonııa aýrýy.
«Teńiz janýarlarynyń ımmýnotoksıkalyq elementtermen jáne túrli qospalarmen ýlanýy ımmýnıtettiń tómendeýine jáne deneniń jalpy tózimdiligine baılanysty juqpaly aýrýlarǵa sezimtaldyǵynyń joǵarylaýyna yqpal etedi», delingen habarlamada.
Osylaısha, 2022 jyldyń qarashasynda Kaspıı teńiziniń qazaqstandyq bóliginde tabylǵan ıtbalyqtar ımmýnıtettiń tómendeýinen, sonyń ishinde olardyń tirshilik etý ortasynyń lastanýynan týyndaǵan vırýstyq ınfeksııalarǵa baılanysty órshigen pnevmonııadan qyrylǵan.
Eske sala ketsek, 2022 jyldyń 7 qarashasy men 3 jeltoqsany aralyǵynda Mańǵystaý oblysynyń Túpqaraǵan aýdanynda Kaspıı teńiziniń jaǵalaýynda ótken reıdtik is-sharalar barysynda 172 óli ıtbalyq ushasy tabylǵan.
