Birlesken qyzmet sheńberinde uıymdar Ortalyq Azııa óńirindegi jahandyq qaterlerge qarsy is-qımyl jónindegi óńirlik hab bolyp sanalatyn Bas prokýratýra janyndaǵy Quqyq qorǵaý organdary akademııasy úshin bilim berý baǵdarlamalaryn ázirleıdi. Qazirgi álemdegi osyndaı qaýipterdiń biri – kıberqylmys.
– Quqyq qorǵaý organdary ókilderiniń zamanaýı qaýip-qaterlerge daıyn bolmaýy sıfrlyq salany krımınalızasııalaýǵa ákelýi múmkin. Bul qaýip-qaterlerge qarsy turý úshin quqyq qorǵaý organdary sıfrlyq tehnologııalar salasynda jetkilikti bilimge ıe bolýy kerek. Qol qoıylǵan memorandým krıptovalıýtalardyń kóptegen quqyq qorǵaý aspektisin sheshý úshin qajetti bilim men daǵdylardy jınaqtaý úshin berik negiz bolatynyna, sondaı-aq kıberqylmystardy ashý men tergeý erekshelikterin oqytý boıynsha jańa múmkindikter ashatynyna senimdimin, – deıdi akademııa rektory Marat Seksembaev.
Krıptoındýstrııadaǵy halyqaralyq zertteýlerdiń nátıjeleri boıynsha kıberqylmys kólemi 2022 jyly tarıhı turǵydan eń joǵary deńgeıge jetti. Atalǵan jahandyq problemany sheshý úshin naryqtyń iri oıynshylaryn tartý prosesi bastalady, sondaı-aq quqyq qorǵaý organdarynyń ókilderin kıberqylmystarmen kúreste blokcheınniń jańa quraldaryna úıretýge basa nazar aýdarylady.
– Binance búkil álem boıynsha 750-den astam qyzmetkeri bar saladaǵy jetekshi jahandyq FATF qaýipsizdik jáne sáıkestik komandasyna ıe. Biz aqshany jylystatýǵa qarsy kúres, kúdikti áreketterdi qadaǵalaý aıasynda memlekettik quqyq qorǵaý organdarymen jáne jeke uıymdarmen yntymaqtasamyz. Seriktesterimiz usynatyn bastapqy eseptik jazbalarǵa súıene otyryp, jeli ishindegi kúdikti tranzaksııalardy anyqtaýǵa múmkindik beretin tergeýler júrgizemiz. Aqshany jylystatýǵa qarsy kúres (AML) boıynsha ishki anyqtaý jáne taldaý quraldaryn únemi jańartyp, keńeıtip otyramyz, – deıdi Binance Kazakhstan bas menedjeri Jaslan Mádıev.
Bilim berý baǵdarlamasy Ulttyq banktiń tólem jáne qarjy tehnologııalaryn damytý ortalyǵy, Astana Hub halyqaralyq tehnoparki qoldaýymen, Binance bilim berý materıaldary negizinde akademııa bazasynda iske asyrylady.
– Biz aımaqtaǵy eń iri tehnopark retinde quqyq qorǵaý organdary men tehnologııalyq ekojúıeniń, sonyń ishinde naryqtyń eń iri oıynshylarymen yntymaqtastyq ornatqanymyzǵa qýanyshtymyz. Krıptoınsıdentterdi tergeý úderisteriniń damýy krıptoındýstrııanyń jáne tutastaı alǵanda blokcheın tehnologııasynyń damýymen qatar júrýi kerek. Qazaqstan óńirde úzdik tájirıbe jasaı alady dep senemin, oǵan biz barlyq qajetti qoldaýdy kórsetýge daıynbyz, – deıdi Astana Hub halyqaralyq tehnoparkiniń bas dırektory Maǵjan Mádıev.
