Negizi baǵdarlama arqyly erli-zaıyptylar eldiń kez kelgen emhanasyna júgine alady. Al Qaraǵandyda bul prosedýrany «Aqjan» klınıkasy iske asyrady. Klınıka úshinshi jyl «Ańsaǵan sábı» baǵdarlamasyna qatysyp keledi. Osy klınıkaǵa byltyr ekstrakorporaldy uryqtandyrý prosedýrasyna 101 kvota bólinse, bıyl ol eki ese artqan, ıaǵnı 214 kvota.
– Baǵdarlama ýaqtyly aıaqtaldy. Aıaǵy aýyr 40 áıel esepke alyndy. Onyń ishinde jeti otbasy 8 sábı súıdi. Bul baǵdarlamanyń túpki nátıjesin osy jyldyń sońynda kóremiz, – deıdi «Aqjan» klınıkasynyń EKU bóliminiń meńgerýshisi Evgenııa Lapına.
Sábı súıýdi uzaq jyl ańsaǵan, qansha emdelse de daýa tappaǵan otbasylar osy baǵdarlama arqyly perzent kórgeni ras. Klınıka emdelýshileriniń qataryndaǵy bir jup jeti jyl boıy bala kótere almapty. Dárigerdiń aıtýynsha, qansha emdelse de nátıje bermegen. Bes jyl em-dom qonbaǵan. Qazir endi egiz balany kútip otyr eken.
«Aqjan» klınıkasyna tek Qaraǵandy ǵana emes, elimizdiń basqa da aımaqtarynan kelip em alýǵa ruqsat. Negizi, klınıka bedeýliktiń barlyq túrin emdeıdi.
Al EKU-ǵa bıyl medısınalyq saqtandyrý qory 373,8 mln teńge qarastyrǵan eken. Ekstrakorporaldy uryqtandyrý prosedýrasynyń quny orta eseppen 1,06 teńgeden 1,227 mln teńgege deıingi aralyqta eken.
Qaraǵandy oblysy
