Mundaǵy «Jas shekarashylar» men «Jas polıseıler» klýby mektepterdegi ózin-ózi basqarý uıymynyń quqyq fraksııasynda qyzmet etedi. Iаǵnı olar aýdandaǵy polısııa bólimsheleriniń mamandarymen jáne oqý oshaqtaryndaǵy quqyq menedjerimen baılanys ornatyp, mektepterdegi quqyq buzýshylyqtyń aldyn almaq. Almaty oblysyndaǵy «Jas sarbaz» áskerı-patrıottyq qozǵalysynyń tóraǵasy Madııar Sharapovtyń aıtýynsha, arnaıy kýálikke ıe bolǵan balalar endi kez kelgen oqýshyǵa tártibi, júris-turysyna syn-eskertpe aıta alady. Jáne olar quqyq menedjerine esep berip, eskertý alǵandarmen arnaıy jınalys ótkizedi. Sonymen qatar klýbqa qabyldanǵandar mektep bitirgenge deıin elimizdiń ákimshilik jáne qylmystyq quqyq buzýshylyq týraly zańdaryn meńgerip shyqpaq.
– Jas shekarashylar týraly aıtar bolsaq, olar aýdandaǵy áskerı bólimderge baryp, sarbazdardyń tynys-tirshiligimen tanysyp, ony basqalarǵa nasıhattaýmen aınalysady. Jáne olarǵa áskerıler qosymsha sabaq berip, shekara qyzmetiniń qyr-syrynan habardar etedi. Olar 11-synypty támamdaǵannan keıin áskerı boryshyn óteýge tas-túıin daıyn bolady. Qazirgi tańda klýbtardyń uıymdastyratyn is-sharalarynyń jobasy bekitilip jatyr, – deıdi Madııar Sharapov.
Al aýdandyq bilim bóliminiń basshysy Móldir Qurmanalıeva mundaı klýbtardyń ashylýy bilim oshaqtaryndaǵy tárbıe jumysyn tyń ózgeristerge bastaıtynyna senimdi. Áskerı-patrıottyq klýbtarǵa aldaǵy ýaqytta taǵy birneshe mektep oqýshylary múshelikke qabyldanady eken.
– Bul klýbtyń ashylýy – mektep jumysyna tyń ózgeris engizetini sózsiz. Sebebi keıde ustazdyń múmkindigi shekteýli bolatyn sátter bolady. Mundaıda ózindik mindettemesi, qyzmeti bar klýb músheleri kómekke keledi. Olar barlyǵyna úlgi kórsetip, mekteptiń bet-beınesine aınalýǵa tıis. Qarshadaıynan «Qazaqstan Respýblıkasyna qyzmet etemin!» dep ant bergen bala jaýapkershilikti sezinip ósedi. Budan bólek, olar qoǵam ómirine erte jastan aralasady. О́zin-ózi damytýǵa, mektepte ádep pen tártipti saqtaýǵa qushtar oqýshydan el erteńine alańdaıtyn azamattar shyǵatynyna úmitimiz mol, – deıdi aýdandyq bilim bóliminiń basshysy Móldir Qurmanalıeva.
