12 aı ishinde Qazaqstanda 403,5 myń adam dúnıege keldi, onyń ishinde 208 myńy – uldar, 195,5 myńy – qyzdar. 2021 jyly bul kórsetkish 450,7 myń adamdy quraǵan edi.
Osylaısha, týý koeffısıenti 1000 adamǵa 20,28 qurady.
Bul rette, bir jyl ishinde 134,7 myń adam qaıtys bolǵan, 1000 adamǵa shaqqanda ólim-jitim koeffısıenti - 6,77.
Jalpy, bir jyl ishinde halyqtyń tabıǵı ósimi 268,8 myń adamdy qurady.
Eń joǵary týý kórsetkishi Mańǵystaý (1000 turǵynǵa 27,75 adam), Túrkistan (27,23) oblystarynda jáne Shymkent qalasynda (26,34) baıqaldy.
Eń joǵary ólim-jitim Soltústik Qazaqstan (1000 turǵynǵa shaqqanda 11,84), Shyǵys Qazaqstan (11,71) jáne Qostanaı oblystarynda (10,82) tirkeldi.
12 aıda 1 jasqa deıingi 3 215 náreste shetinedi. 1000 týylǵanǵa shaqqandaǵy náreste óliminiń koeffısıenti 7,97 qurady (2021 jyldyń uqsas kezeńinde – 8,35).
Aıta ketsek, ótken jyly 128,5 myń neke tirkeldi, ótken jyldyń sáıkes kezeńimen salystyrǵanda neke sany 8,4%-ǵa tómendedi. Sonymen qatar, elde 17,7 myń ajyrasý tirkeldi, bul 2021 jylǵy deńgeıden 8,1%-ǵa az.
