Mergender múlt ketpeıdi

Sportty damytý dırek­sııa­synyń dırektory Oralbaı Jaq­symbetov birer kún buryn sadaq atýdan ulttyq qurama ókilderin qabyldap, Parıj Olımpıadasyna daıyndyǵyn pysyqtady. Al­qa­ly jıynǵa quramanyń bas jat­tyqtyrýshysy Artıom Kıchkın, Fe­derasııanyń bas hatshysy Aınur Tyrtyqaeva, sonymen qatar Ko­reıadan kelgen jattyqtyrýshy-keńes­shi Kım Djechen jáne ózge de qyzmetkerler qatysty.

Jıyn barysynda sporttyń osy túrin damytý máseleleri, onyń problemalary men sheshý joldary talqylandy. Máselen, ulttyq qu­ramanyń jattyqtyrýshy-keńes­shisi Kım Djechenniń aıtýynsha, eli­mizdegi sadaq atý sportynyń bo­lashaǵy zor. Komandanyń tájirıbesi, rezervi bar. Tek sport ba­zalarynyń jetkiliksizdigi ǵana budan da qarqyndy damýǵa keri áser etip otyr.

«Qazir eń basty maqsat – Olım­­­pııa oıyndaryna lısenzııa alý. Sondyqtan Qytaıdaǵy Azııa oıyn­darynda jáne basqa da lı­senzııalyq týrnırlerde la­ıyqty óner kórsetý úshin bar­lyq kúsh-jigerdi jumsaý qajet. Hanchjoý oıyndarynda qo­ıy­latyn jospar – kúmis jáne qo­la medal ıelený. Bul mindet úde­sinen shyǵý kerek. Kım myrza semınarlar ót­­kizip, komanda bir júıemen jáne kúntizbelik jospar boıynsha jumys istegeni durys. Bizdiń jattyqtyrýshylar osyndaı keremet múmkindikti paıdalanyp, ar­naıy shaqyrylǵan keńesshimen tyǵyz jumys istep, tájirıbe alýy kerek», dedi Oralbaı Ergenuly.

Qazirgi tańda ulttyq qurama shtatynda 24 sportshy bar. Alda otan­dyq sadaqshylardy Álem ký­bogi, Azııa jáne álem chempıonat­tary, Hanchjoýdaǵy jazǵy Azııa oıyndary kútip tur. Ulttyq qura­maǵa jattyqtyrýshy-keńesshi bolyp taǵaıyndalǵan Kım Djechen – sadaq atý sportynan álemdegi eń úzdik memleketterdiń biri sanalatyn Koreıa ókili. Kım buǵan deıin óz elinde Paralımpıada quramasyn jattyqtyrǵan. 2008 jylǵy Beı­jiń Paralımpıadasynda onyń shá­kirtteri 2 altyn jáne 1 kúmis me­dal ıelengen. Sondaı-aq Ko­lým­­­bııa ulttyq quramasyn da jat­tyq­­tyrǵan.

Halyqaralyq Olımpıada ko­mıtetiniń atqa­rý­shy komıteti be­kitken qujatqa sáı­­kes, 2024 jyl­ǵy Parıj Olım­­pıa­dasynda mer­gender bes júl­de jıyntyǵyn sarapqa salady. Sadaq atýdan erler men áı­el­der arasynda jekeleı syn, er­ler men áıelder ara­syn­­da ko­­mandalyq syn jáne ara­­las ko­mandalyq jarystan je­ńim­pazdar men júldegerler anyq­talady. Tokıodaǵy dodada alǵash ret aralas komandalyq synda me­­dal úlestirilgen bolatyn. Al sadaq atýdan komandalyq ja­rys Olımpııa oıyndarynyń baǵ­dar­lamasyna 1988 jyly engen.

Sondaı-aq sportshylarǵa bó­linetin kvota da ózgerissiz qal­dy. Genderlik teńdik saqtalyp, erler­den 64, áıelderden 64 sportshy baq synaıdy.