Merekedegi mádenı is-sharalar

Ortalyq kommýnıkasııalar qyzmetindegi kezekti brıfıngtiń biri Astana kúni qarsańynda jáne mereke kúni ótkiziletin mádenı is-sharalardyń baǵdarlamasyn tanystyrýǵa arnaldy. Bul jóninde Astana qalalyq ishki saıasat basqarmasynyń basshysy Bolat Tilepov, Astana qalalyq mádenıet basqarmasynyń basshysy Bolat Majaǵulov, S. Seıfýllın atyndaǵy mýzeıdiń dırektory Nesipbek Aıtuly jáne Q. Qýanyshbaev atyndaǵy mýzykalyq drama teatrynyń rejısseri Bolat Uzaqov aıtyp berdi. 6 shildede elimizdiń aıtýly memlekettik merekeleriniń biri – Astana kúni atap ótiledi. Astana elimizdiń elorda­sy ǵana emes, ol Táýelsiz memleke­timizdiń ulttyq ıdeıasynyń eń basty tuǵyrlarynyń biri bolyp tabylady. Sondyqtan elordanyń tarıhı qalyptasýynan buryn, bas qalanyń el damýyndaǵy orny jáne memlekettiń birtutas bolýyndaǵy róli aıtylady. «Bul joly jylda kópshilik kóńilinen shyǵyp júrgen dástúrli sharalardan bólek, baǵyty jańa, mazmuny tyń merekelik bastamalar da bar, – dedi B.Tilepov. – Eń bastysy, astanalyqtar men qala meımandaryna merekelik kóńil kúı syılaýmen qatar, barsha otandastarymyzdy Astananyń damýymen maqtanyp, marqaıtatyn sharalar bolmaq». Uıymdastyrylatyn jáne ótkiziletin mádenı is-sharalardyń jalpy sany jetpisti quraıdy. Onyń ishinde basty nazar qala kósheleri men alańdarynda, saıabaqtar men gúlzarlarda ótetin sharalarǵa aýdarylyp otyr. Sebebi, júrgizilgen saýaldama boıynsha, osyndaı buqaralyq sıpatqa ıe jalpyhalyqtyq sharalar kópshilik kóńilinen shyǵatyndyǵyn kórsetken. Sonymen birge, respýblıkalyq deńgeıdegi aýqymdy is-sharalar da erekshe nazarda ustalady. Bul negizinen ıdeologııalyq qaǵıdatty saqtaý turǵysynan alynyp otyr. Ondaǵy maqsat – mereke kúninde elorda aınalasyna otandas­tarymyzdy uıystyrý. Qalalyq ishki saıasat bas­qar­masynyń basshysy sol is-sha­ralardyń birqataryn atap ótti. Mysaly, «Aıalaǵan Astana» atty balalardyń respýblıkalyq óner baıqaýy elimizdiń túkpir-túkpi­rin­degi daryndy balalardyń basyn qosyp, olardyń talantyn ashýǵa kómektesedi. Sondaı-aq, jyl saıyn uıymdastyrylatyn teatr festıvali bul joly da shymyldyǵyn ashatyn bolady. Festıval aıasynda elimizdegi teatr ujymdarymen qatar, sheteldik teatr maıtalmandary da ózderiniń qoıylymdaryn usynady. Astanalyqtar men qala meımandary «Máńgilik El» jyr músháırasyn da tamashalaıdy. «Onyń basty taqyryby – Memleket basshysy saıasatynyń strategııalyq baǵyty jáne «Máńgilik El» ulttyq ıdeıasynyń oryndalýyndaǵy Astananyń róli men mańyzy bolmaq», – dedi B.Tilepov. Astana qalalyq mádenıet bas­qarmasynyń basshysy B.Maja­ǵulov merekelik is-sharalar baǵdar­lamasynyń aýqymdylyǵyn aıta kelip, Astana kúni merekesi qansha kúndi qamtıtyndyǵyna toqtaldy. «Merekelik mádenı sharalar 20 maý­symda bastalyp, 4 shildege deıin qarqyn alady, – dedi ol osy jóninde. – Ári qaraı, ıaǵnı 5, 6 jáne 7 shildede merekelik sharalar negizgi mádenı-rýhanı, sporttyq jáne oıyn-saýyq sharalarymen jalǵasyn tabady. Olar birneshe blokqa bólingen. Birinshi – respýblıkalyq aýqymdaǵy merekelik sharalar. Buǵan «Aıalaǵan Astana» respýblıkalyq televızııalyq balalar baıqaýyn, «Máńgilik El» músháırasyn, teatr festıvalin qosýǵa bolady». Astana kúnin merekeleýde, sondaı-aq, «Qazaq eli» moný­men­ti alańynda «Shýaqty qala» kon­­sert­tik baǵdarlamasy da uıym­das­­ty­rylmaq. Ony tamashalaýǵa shek­teý qoıylmaıdy, halyqtyń erkin qoz­ǵalýyna jaǵdaı qarastyrylǵan. Mun­daı mádenı sharalar qalanyń ózge de alańdarynda uıymdastyrylady. N.Aıtuly mereke aıasynda «Máń­gilik El» – ult muraty» taqyrybymen jarııalanǵan jyr báıgesi jóninen habardar etti. Aqynnyń atap ótýinshe, jyr músháırasyna Qy­taı men Mońǵolııada turatyn qan­dastarymyzdy qosqanda, 60-tan astam shyǵarma kelip túsken. «Bıylǵy jylǵy músháıranyń bir ereksheligi, jyr báıgesine jastar kóp qatysty, – dedi N.Aıtuly. – Aqyndarymyz «Máńgilik El» taqyrybyn tamasha jyrlady. О́ıtkeni, bul taqyryp bizdiń ata-babalarymyzdyń ǵana armany emes, ol barlyǵymyzdyń kópten kútken armanymyz. Bizdiń aqyndarymyz ózderiniń poezııasy arqyly Astananyń shejiresin jasap jatyr». N.Aıtulynyń sózine qaraǵan­da, 15 aqynǵa júlde taǵaıyndalypty. Onyń syrtynda demeýshiler taǵaıyndaǵan qosymsha júldeler de bar eken. Jeńimpazdar men júldegerler 1 shilde kúni «Kongress-holl» saraı­yn­daǵy óner sheberleriniń qa­ty­sýymen ótetin merekelik keshte jarııa etiledi eken. Al B.Uzaqov teatr festıvali jó­nin­de aıtyp berdi. Rejısserdiń atap ótýinshe, bıylǵy teatr fes­tı­vali­niń aıasy byltyrǵyǵa qaraǵanda birshama keńeıe túsken. «Festıvalǵa Túrkııa men Reseıden bir-birden teatr ujymdaryn shaqyryp otyrmyz, – dedi ol. – Ondaǵy maqsatymyz – eńseli elordamyzdy teatr festıvaliniń ordasy etsek degen oı. Astanada túrli taqyryptaǵy halyqaralyq mádenı sharalar ótip keledi. Festıvalǵa keletin óner ujymdaryn aldyn ala tańdap, iriktep aldyq. О́ıtkeni, teatr­lar sahnalaıtyn qoıylymdardan kópshilik ózderine rýhanı azyq alýy tıis. Osy jaǵyna basa mán berdik. Al festıvalǵa 13 teatr ujymy shaqyryldy. Alǵashqy qoıylym 1 shildede shymyldyǵyn ashady». Álısultan QULANBAI, «Egemen Qazaqstan».