Partııa fraksııasynyń keńeıtilgen otyrysy

Májiliste «Nur Otan» partııasy fraksııasynyń keńeı­tilgen jınalysy ótip, onda údemeli ındýstrııalyq-ınno­va­sııalyq damý baǵdarlamasynyń alǵashqy 5 jyldyq nátı­jeleri jáne ekinshi 5 jyldyq kezeńniń jospary talqylandy. Jınalysqa qatysqan Par­la­ment Májilisi Tóraǵasynyń orynbasary, «Nur Otan» par­tııasynyń Parlament Máji­lisindegi frak­sııasynyń je­tek­shisi Darıǵa Nazarbaeva ın­dýs­trııalyq da­mý bizdiń elimizdiń turaqty eko­no­mıkalyq ósýiniń negizi ekenin atap ótti. Taqyryp tóńireginde Pre­mer-Mı­nıstrdiń orynbasary – In­dýstrııa jáne jańa teh­nologııa­lar mınıstri Áset Ise­keshev baıandama jasady. Onyń atap ótkenindeı, údemeli ın­dýstrııalyq-ınnovasııalyq da­mý baǵdarlamasy jańa ındýstrııaly saıasattyń negizin qalady. Atalǵan merzim ishinde 2,5 trln.teńge kóleminde 651 joba iske asyrylǵan, 250 myńnan astam jumys orny ashyldy. Baǵdarlamanyń ekinshi ke­zeńinde jemisti jumys óz jal­ǵasyn taýyp, jańa tabystarǵa qol jetkizilmek. Halyq qalaýlylary birinshi kezeń barysynda oryn alǵan ol­qy­­lyqtardy atap kórsete oty­ryp, ol aldaǵy ýaqytta sabaq bolý ke­rektigin eskertti. Depýtattar baǵdarlamanyń ekinshi kezeńin zańnamalyq qamtamasyz etý máselelerin qozǵaı otyryp, naqty usy­nys­taryn jetkizdi. Jınalysqa, sondaı-aq, bir­qatar mınıstrlikterdiń, damý ınstıtýttarynyń, Ulttyq ká­sip­kerler palatasynyń ókilderi qatysty, dep habarlady Má­ji­listiń baspasóz qyzmeti.