Qoǵam kútken zań qoǵamǵa qyzmet etedi

Keshe Májiliste palata Tóraǵasy Qabıbolla Jaqypovtyń tóraǵalyǵymen ótken jalpy otyrysta birqatar zań jobalary qaraldy. Májilistiń bul jolǵy jalpy otyrysynda 15 zań jobasy talqylandy. Rasynda, Parlament qabyrǵasynda talqylanyp, túzetýler men tolyqtyrýlar engizilip, qajet tusynda jańa zań jobalary qabyldanatyn árbir zańnyń bizdiń memleketimizdi, qoǵamymyzdy alǵa aparýdaǵy, ony damytýdaǵy róli asa zor. Osy rette deneshynyqtyrý jáne sport salasyndaǵy zańnamany jetildirý, sondaı-aq, «Deneshynyqtyrý jáne sport týraly» zań jobasynyń normalaryn qoldanystaǵy zańnamamen úılestirý máselesiniń de aıtarlyqtaı mańyzy bar. Osy jerde aıta ketetin jáıt – baıraqty dodalarda el namysyn jyrtyp, kók týymyzdy jelbiretip, ánuranymyzdy oınatyp, qanymyzdy qyzdyratyn sańlaqtarymyzdy elge kelgende aldymen tóbemizge kóterip qar­sy alyp, artynan oǵan berilgen páter­diń de daýǵa túskenin kórgende qa­ra­paıym halyqtyń nalıtyny bar. Ol-ol ma, ózi múgedek bola tura paralımpıadaǵa qatysyp, jeńis tuǵyryna kóterilip, eli­niń atyn shyǵarǵan azamatqa beri­letin syı deni saý olımpıa­dashylardan tómen bolatynyn estigende, tipten, jandary aýyrǵan. Taǵdyrdyń teperishine qara­mastan, boıyndaǵy dertimen kúrese, sportpen aınalysýǵa erik-kúshi jetken azamattardy qaıta ózgelerden artyǵyraq baǵa­laýymyz kerek emes pe dep. Qýanarlyǵy – zań jobasynda osy olqylyqtar eskerilipti. Al áleýmettik-mádenı damý komı­te­tiniń hatshysy Maıra Aısına zań jobasy Májiliste 2014 jylǵy 28 mamyrdaǵy jalpy otyrysta birinshi oqylymda maquldanǵanyn eske salyp ótti. Májilismender daýysqa salǵan zańdardyń ishinde Keden odaǵynyń kedendik shekarasy arqyly avto­mobıl ótkizý pýnktterinde vete­rı­narııalyq baqylaýdy jáne ósim­­dikter karantıni boıynsha ba­qylaýdy júzege asyrý, Brı­­tanııa tarapynyń Qazaqstan aýmaǵy arqyly Aýǵanstanǵa júk tranzıtin qamtamasyz etý, ekstremızm men terrorızmge qarsy is-qımyl salasyndaǵy qatynastardy retteıtin zańna­many jetildirý syndy jobalarmen qatar, sot júıesine qatysty birqatar zań jobalary jalpy otyrystyń kún tártibine engizilgen eken. Májilistiń Zańnama já­ne sot-qu­qyq­tyq reforma komı­­te­tiniń hatshysy Svet­lana Bychkova «Qazaqstan Respýb­lı­ka­synyń sot júıesi men sýdıa­lary­nyń mártebesi týraly» Kons­tıtýsııalyq zańǵa ózgerister men tolyqtyrýlar engizý týraly» Konstıtýsııalyq zańnyń jobasy (ekinshi oqylym) boıynsha Konstıtýsııalyq zań jobasynyń sýdıalardyń táýelsizdigin kú­sheı­týge, sýdıa laýazymdaryna kandı­dattardy konkýrstyq irikteý rásimderin jetildirýge jáne sýdıa laýazymdaryna kandıdattardy irikteýde jurtshylyqtyń rólin kúsheıtýge baǵyttalǵanyn aıtty. Sonymen, «Qazaqstan Respýb­lı­kasynyń sot júıesi men sýdıa­larynyń mártebesi týraly» Konstıtýsııalyq zańǵa ózgerister men tolyqtyrýlar engizý týraly» Konstıtýsııalyq zańnyń jobasy ekinshi oqylymda maquldandy. Palata «Qazaqstan Respýb­lıkasynyń keıbir zańnamalyq aktilerine sot tóreligin iske asy­­rýdy odan ári jeńildetý, tóre­shildik rásimderdi azaıtý máse­leleri boıynsha ózgerister men tolyqtyrýlar engizý týraly» zań jobasyn da ekinshi oqylymda maquldady. Bul joly da baıandamashy bolǵan depýtat Svetlana Bychkova zań jobasynda buıryq arqyly is júrgizýdi qoldaný salasyn oǵan qýynymdyq is júrgizýdiń keıbir daýlaryn berý jolymen keńeıtý kózdeletinin málimdedi. Azamattyq is júrgizý kodeksine tatýlasý kelisimin jasasý rásimin egjeı-tegjeıli reglamentteýdi kózdeıtin jańa taraý engizilgen eken. Otyrysta Májilis ekstremızmge jáne terrorızmge qarsy is-qımyl máseleleri boıynsha túzetýlerdi ekinshi oqylymda ma­quldady. Ekstremızm men terrorızmge qarsy is-qımyl salasyndaǵy qatynastardy retteıtin zań­na­many jetildirý zań jobasynyń negizgi maqsaty bolyp tabylatynyn Májilistiń Halyqaralyq ister, qorǵanys jáne qaýipsizdik komıtetiniń tóraǵasy Máýlen Áshimbaev baıandap berdi. Jalpy otyrys barysynda Keden odaǵynyń kedendik shekarasy arqyly avtomobıl ótkizý pýnk­tterinde veterınarııalyq-sanı­tarııalyq baqylaý jáne ósim­dikter karantıni boıynsha baqylaý fýnksııalaryn keden organdaryna berý máselesi boıynsha túzetýler ekinshi oqylymda maquldandy. Májilistiń Qarjy jáne bıýdjet komıtetiniń múshesi Zýhra Saıa­pova zań jobasymen jumys barysynda depýtattar kólik-logıstıka ortalyqtaryn jaılastyrý jáne tehnıkalyq jaraqtandyrý jó­nindegi úlgilik talaptardy ázirleý jáne bekitý boıynsha quzyretti aıqyndaý, sondaı-aq, keden organdaryn ózine tán emes fýnksııalardan bosatý jóninde túzetýler engizgenin málim etti. Atalǵan zań jobasyn qabyldaý Qazaqstan Respýblıkasynyń keden organdarynyń Keden oda­ǵy­nyń kedendik shekarasy ar­qy­ly avtomobıl ótkizý pýnkt­terinde veterınarııalyq baqy­laýdy jáne ósimdikter karan­tıni boıynsha baqylaýdy júze­ge asyrý úshin quqyqtyq baza qurýǵa, Keden odaǵynyń keden­dik shekarasy arqyly avtomo­bıl ótkizý pýnktterinde ákim­shi­lik kedergilerdi joıýǵa, baqy­laýshy organdardyń sanyn qys­qartýǵa jáne Keden odaǵynyń shekarasyndaǵy ótkizý pýnktteri arqyly júkterdi ótkizýdi jedeldetýge múmkindik beredi. Májilis jalpy otyrysta «Deneshynyqtyrý jáne sport tý­raly» zań jobasyn ilespe túze­tý­lerimen ekinshi oqylymda maqul­dady. Palata óndirisine alynǵan ta­bı­ǵı monopolııalar jáne retteletin naryqtar máseleleri boıynsha zań jobasy jóninde Ekonomıkalyq re­forma jáne óńirlik damý komı­tetiniń tóraǵasy Seıitsultan Áıim­betov sóz alyp, túsinik berdi. Al Áleýmettik-mádenı damý komı­te­tiniń tóraıymy Gúlnar Yqsa­nova «Aqparattandyrý týraly» (ja­ńa redaksııa) zań jobasyn qabyl­daý qajettiligi týraly aıta kelip, onyń kúshi barlyq nysanaly toptar men árbir adamǵa qatys­ty­lyǵyna toqtaldy. Shynynda, qazirgideı aqpa­rat­­tyq-kommýnıkasııalyq teh­no­lo­gııalar damyǵan ǵa­syrda árkim elektrondy aq­parattyq resýrs­taryn, aqparattyq júıelerdi paı­da­lanyp, elektrondyq qyzmet­terdiń ári menshik ıesi, ári ázirleýshisi (ónim berýshisi) nemese kóbinese paıdalanýshysy bolýda. Sondyqtan ár azamattyń aqparattandyrý úderisiniń bel­sendi qatysýshysynyń rólin atqa­ratynyn aıtqan depýtat nazarǵa usynǵan zań jobasy da depýtattar tarapynan qoldaý tapty. Zań jo­basy boıynsha qorytyndy ázir­lenetin boldy. Anar TО́LEÝHANQYZY, «Egemen Qazaqstan».