Memleket basshysyna holdıngtiń byltyr atqarǵan jumystarynyń qorytyndysy týraly esep berilip, aldaǵy kezeńge arnalǵan jospary tanystyryldy. Prezıdentke kásipkerlikti, agroónerkásip keshenin qoldaý jáne halyqty turǵyn úımen qamtamasyz etý jóninde usynystar berildi.
Qasym-Jomart Kemelulyna holdıngtiń 2022 jyly 350 mıllıard teńge taza rekordtyq paıda tapqany týraly baıandaldy. Bul 2020 jylǵy kórsetkishten bes ese jáne 2021 jylǵy nátıjeden úsh ese kóp.
О́tken jyldyń qorytyndysy boıynsha quny 685 mıllıard teńge bolatyn 238 iri joba men lızıngtik mámileler qarjylandyryldy. Shaǵyn jáne orta bıznesti qoldaý aıasynda somasy shamamen 1,5 trıllıon teńgeni quraıtyn 50,5 myń jobaǵa sýbsıdııa berilgen.
Qanat Sharlapaevtyń málimetine sáıkes agroónerkásip kesheni sýbektilerine josparlanǵan 432 mıllıard teńgeniń ornyna 522 mıllıard teńge kóleminde qarjy bólingen.
Sonymen qatar Qanat Sharlapaev halyqty turǵyn úımen qamtamasyz etý aıasynda jalpy quny shamamen 1,4 trıllıon teńge jeńildetilgen ıpotekalyq qaryz berilgeni, quny 211,8 mıllıard teńgeni quraıtyn úlestik qurylysqa kepildik jasalǵany, kredıttik turǵyn úı qurylysyn qarjylandyrý úshin ákimdikterge 176,4 mıllıard teńge bólingeni týraly baıandady. Osylaısha, qoldaý sharalarynyń nátıjesinde 2,2 mıllıon sharshy metrden astam turǵyn úı paıdalanýǵa berildi, ıpotekalyq kredıt berý esebinen 79 865 otbasy turmystyq jaǵdaıyn jaqsartty.
Memleket basshysy bıznesti odan ári qoldaýdyń mańyzdylyǵyna basa nazar aýdardy. Sondaı-aq elimizdiń eksporttyq áleýetin arttyrýǵa jáne agroónerkásip keshenin damytýǵa «Báıterek» holdınginiń belsendi atsalysýy qajet ekenin aıtty.
