Jalǵan aqsha belgileriniń nomınaldaryna jasalǵan taldaý jumystarynan birneshe banknotalardyń qoldan jıi jasalatyny belgili boldy. Atap aıtqanda, 2000 teńge – 238 dana (jalpy anyqtalǵan jalǵan aqsha sanynyń 60%-yn quraıdy), 10 000 teńge – 55 dana (14%), 500 teńge – 50 dana (12,8%).
Qoldan jasalǵan aqshalardyń kóp mólsheri Almatyda anyqtaldy – 255 dana nemese jalpy sanynyń 65,2%-y. Qalǵan óńirlerde 136 dana nemese jalpy sanynynyń 34,8%-y.
«Qazaqstanda jalǵan banknotalar negizinen kompıýterlik tehnıkany, qarapaıym túrli tústi prınter men ofsettik qaǵazdardy qoldana otyryp jasalǵan. Qoldan aqsha jasaýshylar vızýaldy qorǵanysh elementterin meıilinshe uqsatyp jasaýǵa tyrysady», delingen Ulttyq bank habarlamasynda.
Jalǵan aqshany túpnusqadan qalaı ajyratýǵa bolatyny týraly aqparatpen QUB-tyń resmı saıtynda nemese QUB-tyń YouTube-tegi resmı akkaýntynda tanysýǵa bolady.
