Dárigerler alǵashqy medısınalyq-sanıtarlyq kómek kórsetý úshin turǵyndarǵa bilikti kómek kórsetýge arnalǵan dalalyq medısınalyq pýnkt - pnevmokarkasty modýlin ornatty. Qabyldaýdy apattar medısınasynyń bilikti dárigerleri júrgizip jatyr.
Gazıantep qalasynyń turǵyndaryn táýlik boıy medısınalyq qabyldaý barysynda Apattar medısınasy ortalyǵynyń dárigerleri - jıyrmaǵa jýyq naýqasqa, olardyń ishinde eki balaǵa konsýltasııalyq jáne bilikti medısınalyq kómek kórsetti. Adamdar osy pýnktke kóbinese jylynýǵa, týystary men jaqyndaryn qutqarýshylar taýyp alǵansha kútýge keledi, óıtkeni kópshiligi baspanasyz qaldy.
TJM pnevmokarkas modýlderin ótken jyly satyp alǵanyn atap ótken jón. Bul dalalyq medısınalyq gospıtal iri zilzalalar men apattar týyndaǵan kezde ornalastyrýǵa arnalǵan. Mundaı mobıldi aýrýhana tolyq ornalastyrylǵan kezde kúnine 200-ge jýyq zardap shekken adamdy qabyldaı alady.
О́z ómirin qaýip-qaterge tigip Túrkııadaǵy zilzala ornynda aýyr jaǵdaıda qyzmet atqaryp jatqan qutqarýshylardyń da densaýlyǵyn saqtaý TJM medısına qyzmetkerleriniń basty mindetteriniń biri. Dárigerlerdiń aıtýynsha, búgingi kúni Túrkııadaǵy TJM jeke quramynyń densaýlyǵy jaqsy, olar psıhologııalyq turǵydan saý.
