Jıynǵa «Qazaqstan Halyq partııasy» qoǵamdyq birlestiginiń tóraǵasy Ermuhamet Ertisbaev, oblystardyń, Astana, Almaty jáne Shymkent qalalarynyń aýmaqtyq saılaý komıssııalary (beınekonferensııa rejiminde) jáne buqaralyq aqparat quraldarynyń ókilderi qatysty. Sondaı-aq Bas prokýratýra, Ádilet, Ishki ister, Qarjy mınıstrlikteriniń jaýapty laýazymdy tulǵalary, Eýropadaǵy qaýipsizdik jáne yntymaqtastyq uıymynyń Demokratııalyq ınstıtýttar jáne adam quqyqtary bıýrosynyń (EQYU/DIAQB) saılaýdy baıqaý mıssııasynyń ókili shaqyryldy.
Ortalyq saılaý komıssııasynyń tóraǵasy Nurlan Ábdirov elimizde tirkelgen 7 saıası partııanyń barlyǵy partııalyq tizimder boıynsha Parlament Májilisi depýtattarynyń saılaýyna qatysýǵa jiberilgenin málimdedi. Sondaı-aq ol 1 aqpanda OSK-ǵa Parlament Májilisi depýtattaryn saılaýǵa partııalyq tizimdi usyný týraly Qazaqstan Halyq partııasynyń qujattary tapsyrylǵanyn eske saldy. Ortalyq saılaý komıssııasy saılaý zańnamasyna sáıkes kandıdattardyń Konstıtýsııamen jáne Saılaý týraly Konstıtýsııalyq zańmen qoıylatyn talaptarǵa sáıkestigin ańyqtaý boıynsha tıisti rásimder júrgizdi.
Ortalyq saılaý komıssııasynyń múshesi Shavkat О́temisov «Qazaqstan Respýblıkasyndaǵy saılaý týraly» Konstıtýsııalyq zańnyń 89-babyna sáıkes tirkeýge bir saıası partııadan bir ǵana tizim jiberiletinin, oǵan saıası partııalar arasynda bólinetin depýtattyq mandattardyń belgilengen sanynyń 30 paıyzdan aspaıtyn adamdar sany engizilgenin habarlady. Partııalyq tizimde áıelder, jastar jáne múgedektigi bar adamdar sany jıyntyq boıynsha oǵan engizilgen adamdardyń jalpy sanynyń keminde 30 paıyzyn quraýǵa tıis.
Belgili bolǵandaı, Qazaqstan Halyq partııasy 52 adamnan turatyn partııalyq tizimdi usynǵan. Tizimdegi 17 kandıdat áıelder, jastar jáne múgedektigi bar adamdar sanatqa jatady, ıaǵnı talapqa sáıkes 32,7 paıyzdy quraıdy. Partııalyq tizimge engizilgen barlyq adamdar Konstıtýsııa men saılaý týraly Konstıtýsııalyq zańnyń talaptaryna sáıkes keledi.
Shavkat О́temisov partııalyq tizimderdi usynǵan saıası partııalar partııalyq tizimge engizilgen árbir adam úshin zańnamada belgilengen eń tómengi jalaqynyń on bes eselengen mólsherinde Ortalyq saılaý komıssııasynyń shotyna saılaý jarnasyn engizetinin habarlady. Parlament Májilisi depýtattarynyń aldyńǵy saılaýynda daýys berýge qatysqan saılaýshylardyń 5 jáne odan da kóp paıyzyn alǵan saıası partııalar saılaý jarnasyn tólemeıdi.
2021 jylǵy qańtarda ótken Parlament Májilisi depýtattarynyń saılaýynda Qazaqstan Halyq partııasy saılaýshylardyń 9,1 paıyzyn jınady. Osyǵan baılanysty atalǵan partııa saılaý jarnasyn tóleýden bosatylady.
Komıssııa músheleri sáıkestikti ańyqtaý jáne tirkeý týraly tıisti hattamalarǵa qol qoıǵannan keıin «2023 jylǵy 19 naýryzǵa taǵaıyndalǵan Parlament Májilisi depýtattarynyń kezekten tys saılaýynda «Qazaqstan Halyq partııasy» Qoǵamdyq birlestiginiń partııalyq tizimin tirkeý týraly» qaýly qabyldady. Tirkelgen kandıdattar tıisti kýálikterin aldy.
Komıssııa tóraǵasy Nurlan Ábdirov Qazaqstan Halyq partııasynyń partııalyq tizimi tirkelgenin jáne endi partııa saılaý qoryn qalyptastyrý úshin arnaýly ýaqytsha shot ashýǵa quqyly ekenin atap ótti.
