UBT bastalǵaly shekti baldy 83%-ǵa jýyq talapker jınap, 21 myńnan astamy (17%-y) shekti ball jınaı almady. UBT ortasha baly 76 baldy qurady. Eń joǵary ball – 139.
«Qańtar UBT-sy 10 qańtar-10 aqpan aralyǵynda ótti. Jalpy qańtardaǵy ulttyq biryńǵaı testileýge 123 myńǵa jýyq adam qatysty. Testilenýshilerdiń eń kóp tańdaǵan kombınasııasy - «Matematıka-Fızıka» (19%). Tapsyrýshylardyń 18%-y «Bıologııa-Hımııa» kombınasııasyn tańdasa, 10%-y shyǵarmashylyq emtıhandy tańdaǵan. IT baǵyttarǵa túsýge qajetti jańa «Matematıka-Informatıka» kombınasııasyn UBT-ǵa qatysýshylardyń 10%-y tapsyrǵan», dep atap ótti QR ǴJBM Ulttyq testileý ortalyǵynyń dırektory Rýslan Emelbaev.
Talapkerlerdiń, sonyń ishinde erekshe bilim berý qajettilikteri bar talapkerlerdiń testileýdi yńǵaıly tapsyrýy úshin UBT tapsyrý ýaqyty 40 mınýtqa uzartylǵan. Sonymen qatar olar úshin syzba jáne dıagrammalarsyz suraqtar jasaldy. Qabyldanǵan sharalar arqasynda erekshe bilim berý qajettilikteri bar 274 bala UBT tapsyrdy.
62 talapker smartfon, shpargalka jáne basqa da tyıym salynǵan zattardy alyp ótý áreketi saldarynan test tapsyrý múmkindiginen aıyryldy. Testileý kezinde erejelerdi buzǵany úshin aýdıtorııadan 98 adam shyǵarylyp, olardyń nátıjeleri joıyldy. О́zge tulǵalar anyqtalǵan joq.
