HALYQARALYQ QARJYGERLERMEN KEZDESTI

Keshe Qazaqstan Respýblıkasynyń Premer-Mınıstri Kárim Másimov Taıaý Shyǵys jáne Ortalyq Azııa elderi departamenti dırektorynyń orynbasary Devıd Oýen bastaǵan Ha­lyqaralyq valıýta qorynyń mıssııa­sy­men kezdesti, dep habarlady Pre­mer-Mınıstrdiń baspasóz qyzmeti. Kezdesý barysynda Qazaqstannyń áleýmettik-ekonomıkalyq damýynyń birqatar máseleleri talqylandy. QAZAQSTAN RESPÝBLIKASY SYRTQY ISTER MINISTRLIGINIŃ MÁLIMDEMESI Qazaqstan Jerorta teńiziniń Gaza sektoryna taıaý jerde oryn alǵan oqıǵany tereń qaıǵyra otyryp qabyldady, jáne qaza tapqandar men jaraqattanǵandardyń otbasylaryna kóńil aıtady. Biz Gaza sektorynyń turǵyndaryna halyqaralyq gýmanıtarlyq kómek kórsetilýi qajet dep esepteımiz. Qazaqstan Respýblıkasy qaıǵyly oqıǵanyń jaǵdaıyn tez arada jan-jaq­ty tergeý qajet dep biledi jáne barlyq múddeli taraptardy shıelenisti jaǵdaı­dyń odan ári ýshyǵýyna jol bermeı, ustamdylyq tanytýǵa shaqyrady. TARATÝ ShYǴYNDARY 10 PAIYZǴA TО́MENDEIDI Senbi kúni Baılanys jáne aqparat mınıstri Asqar Jumaǵa­lıev Bas redaktorlar klýbynyń múshelerimen kezdesti. Kezdesý bary­synda mınıstr basylym bas­shy­laryn salany damytý jospar­lary­men jáne osy baǵytta qol jetkizilgen tabystarmen tanys­tyrdy. Sonymen birge, Asqar Ju­maǵalıev osydan buryn bolǵan kezdesýdi eske alyp, onyń elimizdiń aqparat rynogyndaǵy naqty jaǵdaıdy baǵalaýǵa úl­ken kómek bergenin aýyzǵa al­dy. Osyndaı kezdesýler bola­shaqta da bolyp turatyn bo­lady, dedi mınıstr. “Menińshe, Baılanys jáne aqparat mı­nıstrliginiń jumysy medıa-ry­noktaǵy naqty qatysý­shylardyń pikirlerin esepke ala otyryp uıymdastyrylýy kerek”. Kezdesý barysynda sharaǵa qatysýshylar rynoktaǵy bar­lyq sýbektilerge birdeı báse­kelestik jasaý máselelerin kóter­di, sondaı-aq baspasóz quraldaryn taratýdyń prob­lemalary týraly aıtty. Osy máselege baılanysty mınıstr sońǵy aı boıy óziniń vedom­stvosy atalǵan máseleni she­shý­men belsendi túrde aınalysyp jatqanyn aıtty. Qazirgi kezde daıyn ónimderdi taratý shy­ǵyndary barlyq shyǵystyń 40 paıyzyn, keıde tipti 50 paıyzyn quraıdy. Osy máselege baıla­nysty mınıstr jıynǵa qaty­sýshylarǵa jaǵymdy jańalyq jetkizdi. “Qazposhta” AQ ja­salǵan kelissózderden keıin mı­nıstrlik osy kompanııa qyzmeti­n 10 paıyzǵa arzandatýǵa qol jetkizipti. Bul baspa ónimderin shyǵaratyn BAQ basshylaryn beıjaı qaldyrmaǵan úlken qýanysh edi. Kezdesý barysynda mınıstr sandyq televızııaǵa kóshý jó­nindegi jumystarǵa da toqtalyp, “Teleradıo habarlaryn taratý týraly” zań jobasyn jasaý jónindegi jumys toby áreketiniń qorytyndylary týraly aıtty. Osyǵan baılanysty A.Jumaǵa­lıev qazaqstandyq teleradıo quraldary ónimderiniń sapasyn kóterýge toqtalyp, memlekettik BAQ deńgeıin arttyrý qajettigin atap kórsetti. Jaqsybaı SAMRAT. QYRǴYZ KÁSIPKERLERINIŃ RIZAShYLYǴYN JETKIZDI “Atameken” odaǵy” ulttyq eko­nomıkalyq palatasynyń tór­aǵasy A.Perýashev Qyrǵyzstan Bıznes-assosıasııasy ulttyq alıansynyń múshesi, Bishkek is­ker­lik klýbynyń atqarýshy dırek­tory Ý.Qydyrbaevany qabyl­dady. Kezdesý barysynda Ý.Qydyr­baeva Qazaqstan-Qyrǵyzstan kedendik shekarasyndaǵy jaǵdaı­dyń sheshimin tabýǵa ózindik úles qosqan “Atameken” odaǵyna qyrǵyz kásipkerleriniń rızashylyǵyn jetkizdi. Budan buryn habarlanǵanyndaı, qyrǵyz kásipkerleri bizdiń elde­rimiz arasyndaǵy kedendik sheka­ra­nyń ashylýyna yqpal etý jóninde óz áriptesteri – qazaqstandyq “Ata­meken” odaǵyna ótinish jasa­ǵan bolatyn. Ulttyq ekonomı­ka­lyq palata osy máselege baı­la­nysty birqatar ókiletti memle­ket­tik organdarǵa, atap aıtqanda, Qar­jy mınıstrliginiń Keden komı­te­tine, QR UQB Shekara qyzmetine ótinish jasaǵan bolatyn. 20 mamyrdan bastap kedendik shekaranyń ótkizý pýnktteri qa­lypty jumys rejimine kó­shirildi. Kezdesý barysynda eki el kásipkerleriniń yntymaqtastyǵyna qatysty basqa da máseleler qaral­dy, dep habarlaıdy “Atameken” odaǵy” ulttyq ekonomıkalyq palatasynyń baspasóz qyzmeti.