Qazaq qyzynyń óneri jobanyń ádilqazylary men barsha kórermenniń kóńilinen shyqty. Danelııaǵa olar erekshe qoshemet kórsetti. Eske sala keteıik, Tóleshova bul jobaǵa buǵan deıin de qatysqan bolatyn. 2020 jyly Los-Andjeleste America’s Got Talent shoýynyń 15-maýsymynyń fınalısi atandy. America’s Got Talent 2006 jyldyń 21 maýsymynan beri ótkizilip keledi. Shyǵarmashylyq baıqaýdyń bas júldesi – 1 mıllıon dollar.
Dúbirli dodanyń bıylǵy 18-maýsymynyń qazylar alqasyna dástúrli túrde jobanyń negizin qalaýshy, prodıýser Saımon Koýell, sýpermodel Haıdı Klým jáne kanadalyq syqaqshy, telejúrgizýshi Hoýı Mandel kirdi.
Danelııa Tóleshovanyń osyǵan deıingi shyǵarmashylyq jolyn baqylap otyrsaq, onyń daýystyq qabileti de, ózin jaqsy jaǵynan kórsete bilýi de qarqyndy damyp kele jatqanyn baıqaımyz.
Bıyl atalǵan joba ótken jyldardyń jeńimpazdary men fınalısteriniń ónerin usyndy. Nátıjesinde, kelesi kezeńge ótetinderdiń esimderi de jarııalandy. Danelııa, ókinishke qaraı, olardyń arasynda bolmady. Qazirgi ýaqytta Danelııa AQSh-ta turady, sonda oqıdy. Ári qaraı mýzykalyq mansabyn jalǵastyrýdy josparlap júr.
