Túrkııanyń ońtústik-shyǵysyndaǵy Kahramanmarash qalasy – zilzalanyń epıdortalyǵy, jermen jeksen bolǵan óńirdiń biri. Túrik aǵaıyndarǵa jalaý bolyp, elden jylý jınaǵan jýrnalıst Nurbek Bekbaý qazir Kahramanmarashta kıiz úılerdiń alǵashqy legin jetkizip, ıgi istiń bel ortasynda júr. Qazaq úılerin ózimen barǵan 12 adam quryp, tigedi. Belsendiniń aıtýynsha, kıiz úıler qaladaǵy park, ormanǵa ornatylyp jatyr. Bul jer etnokentke aınalmaq.
«Bul qalashyqty zilzaladan júregi shaılyǵyp, qorqyp qalǵan turǵyndardy tynyqtyryp, rýhanı serpin berý maqsatynda paıdalanamyz», dep jatyr túrik bıligi. «Kıiz úıler shatyrlarǵa qaraǵanda jyly ári jaıly. Biz ózimiz tikken boıda eksperıment jasap, osynda túnedik. 30 kıiz úı tigildi. Bul – qaraǵandylyq aǵaıynnyń boz úıleri. Oshaqtarymyz kelip úlgermedi, sol sebepti sýyqtaý boldy. Kahramanmarash qalasy taýda ornalasqan, sondyqtan kún salqyndap, túnde 17-20 gradýsqa deıin tómendedi. Al bul dalada qalǵan adam úshin tipti aýyr. Biz meılinshe barlyq kıiz úılerdi tez arada quryp, adamdardy ornalastyrýǵa tyrysyp jatyrmyz. 8 jáne 12 qanat bir kıiz úıge 20 shaqty adam syıady», dedi Nurbek Bekbaý.
Al qutqarýshylar Túrkııaǵa taban tiregen kúnnen bastap 7 adamdy qutqardy. Qaıtys bolǵan 67 adamnyń, onyń ishinde 6 balanyń denesin úıindi astynan shyǵardy. Qazirgi ýaqytta Gazıantep qalasynda birinshi eshelonmen barǵan qutqarýshylar táýlik boıy eki aýysymda jumys istep jatyr. TJM tartqan resmı málimet boıynsha qutqarýshylardyń birinshi toby tolyǵymen qıraǵan toǵyz qabatty ǵımaratty nysanaǵa alǵan. Bul jerde úıindilerdiń astynan 4 adam qutqarylyp, 8 qaza tapqan adamnyń denesi shyǵarylǵan. Qutqarýshylardyń ekinshi toby altyqabatty ǵımaratta jumys júrgizip jatyr. Ǵımarat ishinara qıraǵan, alaıda oǵan tótep kirý múmkin emes, onyń tolyq qıraý qaýpi bar. Sondyqtan mamandar ǵımarattyń 2-qabatyna deıin ınjenerlik tehnıkamen demontaj júrgizgen. Úıindilerdiń arasynan qaıtys bolǵan 19 adamnyń denesi tabylǵan. Úshinshi top ta alty qabatty ǵımaratta jumys jasap jatyr. Úı tolyǵymen qıraǵan, odan qaıtys bolǵan 18 adamnyń denesi shyǵarylǵan. Sonymen qatar ekinshi eshelonmen barǵan el qutqarýshylary Nýrdagy qalasyndaǵy tolyǵymen qıraǵan ǵımaratta adamdardyń ornalasqan jeri men jaı-kúıin anyqtaý, úıindiler astynda zardap shekkendermen aýdıobaılanys ornatý, qajetti kómektiń kólemi men sıpatyn anyqtaý boıynsha jumystar júrgizip jatyr. Olar jedel ári strategııalyq is-qımyldarynyń nátıjesinde kólemi 18 myń tekshe metrden astam úıindiniń astynan úsh adamdy qutqaryp alǵan. Sondaı-aq qaıtys bolǵan 4 adamnyń denesi shyǵarylǵan.
О́kinishke qaraı, úıindi arasynan Qazaqstan azamattarynyń denesi de tabyldy. Syrtqy ister mınıstrligi 10 aqpanda Túrkııanyń ońtústik-shyǵysyndaǵy Kahramanmarash qalasynda qutqarý-izdestirý jumystary barysynda Qazaqstan azamaty Janar Jaqsybekovanyń denesi tabylǵanyn habarlady. Ony Almatydan kelgen týystary tanyǵan.
«Qazaqstan dıplomattary qaza tapqan otandasymyzdyń denesin Kahramanmarashtan Antalııaǵa jáne odan ári Almatyǵa jetkizýge, sondaı-aq qajetti qujattardy resimdeýge barynsha járdem kórsetti. Keshe máıit Taldyqorǵan qalasyna jetkizildi. Tasymaldaý shyǵyndarynyń barlyǵyn memleket óz moınyna aldy. Sonymen qatar Pegasus túrik avıakompanııasymen qaza tapqan Qazaqstan azamatynyń birge kelgen týystaryna 90 paıyzdyq jeńildik berý týraly ýaǵdalastyqqa qol jetkizildi», delingen SIM habarlamasynda.
Sonymen qatar zilzala kezinde belgili sportshy, taekvondodan 6 dan qara belbeý ıegeri Mustafa О́ztúriktiń týystary qaıtys boldy. Týystary apat bolǵan kezde olarmen baılanysqa shyǵa almaı, Nuraı men Býshra Qazaqqa izdeý salyp, jan-jaqqa habarlasqan.Áleýmettik jelide taraǵan aqparattarǵa súıensek, qutqarýshylar Hataı provınsııasyndaǵy Defne aýdanynda qıraǵan úıdiń úıindisinen etnostyq qazaqtar Nuraı men Býshra Qazaqtyń máıitin tapqan. Marqumdar Mustafa О́ztúriktiń týystary ekeni belgili boldy. 57 jastaǵy Nuraı Qazaq – Mustafa О́ztúriktiń týǵan aǵasy Rýstam О́ztúriktiń qyzy. Uzaq ýaqyt boıy Iordanııada turǵan ol Hataıǵa kóship barǵan. Qyzy Býshra 31 jasta bolǵan. Tabıǵı apattan ajal qushqan anasy men qyzyn týystary Ystanbul qalasynda jerleıtinderin aıtty.
