Ortalyq saılaý komıssııasynyń hatshysy Muhtar Ermannyń málimdemesi boıynsha halyqaralyq baıqaý ınstıtýty ashylǵannan beri 3 shet memleketten, 2 halyqaralyq uıymnan 62 baıqaýshy resmı tirkeýden ótkizilgen. Búgingi tańda jańadan 3 shet memleket pen 2 halyqaralyq uıymnan 12, onyń ishinde Koreıa Respýblıkasynan – 1, Qyrǵyzstannan – 1, TMD-nyń baıqaýshylar mıssııasynan – 7, Demokratııalyq ınstıtýttar jáne adam quqyqtary jónindegi bıýrosynyń saılaýdy baıqaý jónindegi mıssııasynan 2 baıqaýshy akkredıtteldi.
«Sonymen qatar 10 aqpanda Ortalyq saılaý komıssııasyna 2023 jylǵy 19 naýryzǵa taǵaıyndalǵan Májilis depýtattarynyń kezekten tys saılaýyna tirkeýden ótken DIAQB mıssııasynyń 2 múshesi baıqaýǵa qatysa almaıtyndyǵyn málimdep, bizge Syrtqy ister mınıstrliginen olardy tizimnen alyp tastaý týraly usynym kelip tústi. Osyǵan baılanysty DIAQB mıssııasynyń 2 baıqaýshysynyń tirkelýin keri qaıtaryp alý týyndap otyr», dedi komıssııa otyrysynda Ortalyq saılaý komıssııasynyń hatshysy Muhtar Erman.
Saılaý komıssııasy usynylǵan baıqaýshylardy tirkeý jáne 2 baıqaýshynyń tirkelýin qaıtaryp alý týraly qaýlyny biraýyzdan qabyldady.
