PACEY baıqaýy beıbitshilik, klımattyq qaýipsizdik jáne qarýsyzdaný salalaryna úles qosqysy keletin belsendi jastardyń ınnovasııalyq jobalaryn qoldaıdy. Arýjan Nazarbayev University bakalavrıatyn «Áleýmettaný» mamandyǵy boıynsha bitirgen.
Ol bul konkýrsqa erekshe qajettilikteri bar orystildi balalarǵa arnalǵan «Ertis mektebi» jobasyn usyndy. Munda olar densaýlyǵy túzý balalarmen birge oqyp, qoǵammen biteqaınasyp kete alady. Semeıdegi mekteptiń resmı ashylýy osy jyldyń qyrkúıek aıyna josparlanǵan. Derekterge súıensek, qalada neıropsıhologııalyq jáne tirek-qımyl apparaty buzylǵan 4 myńnan astam bala turady. Olardyń kópshiligi ıadrolyq synaq qurbandarynyń úshinshi jáne tórtinshi urpaǵy bolýy múmkin.
– Jobanyń ıdeıasy – oqýshylardyń jeke qajettilikterin eskeretin tórt túrli baǵdarlama boıynsha erekshe balalardy oqytý. Osy kezeńde komanda bastaýysh mektep deńgeıine jáne 4 baǵdarlamanyń qaısysy balaǵa sáıkes keletinin túsiný úshin psıhologııalyq jáne fızıologııalyq testter ótkizýge basa nazar aýdarady. Jaqyn arada basseındi qaıta qurýdy, massaj kabınetin, oıyn alańyn uıymdastyrýdy jáne mektepti tehnıkalyq iske qosqanǵa deıin basqa da uıymdastyrý is-sharalaryn aıaqtaý josparlanyp otyr. Uzartylǵan toptarǵa, mektepke daıyndyqqa, japon voleıbol seksııasyna, klassıkalyq bal bıi, vokal jáne sýret úıirmelerine qabyldaý jarııalandy, – deıdi Arýjan.
A.Aýdanbekova balalardan bólek ata-analarǵa balanyń tabıǵı talantyn qalaı damytýdy jáne olardy joǵary áleýetke jetýge qalaı yntalandyrýǵa bolatynyn úıretýdi josparlap otyr. Ol ata-analardy balanyń bilim berý qajettilikterin eskerýge jáne olardy arnaıy túzetý mektepterine berýden qoryqpaýǵa shaqyrady.
Laǵyl ASQAROVA
ASTANA
