Qyzmetti aýmaqtyq polısııa organdary «Azamattarǵa arnalǵan úkimet» memlekettik korporasııasy nemese «Elektrondyq úkimet» veb-portaly arqyly kórsetedi.
JSN rásimdeý úshin shetel azamaty nemese onyń zańdy ókili kelgen jeri boıynsha memlekettik korporasııa nemese portal arqyly ótinish berip, kóshi-qon polısııasyna qajetti qujattardy qosa tapsyrý tıis.
Memlekettik korporasııa arqyly júgingen kezde kelesi qujattardy qosa berý qajet:
- ótinish;
- jeke basty kýálandyratyn qujat (eger tıisti tarappen nemese QR Úkimetimen kelisimde ózgeshe tártip belgilenbese, jaramdy sheteldik pasport). Eger sheteldiktiń jeke basyn kýálandyratyn qujatta kırıllısada nemese latyn álipbıinde anyqtama derekteriniń (tegi, aty, ákesiniń aty, týǵan jeri) jazylýy bolmasa, qujattyń tıisti notarıaldy kýálandyrylǵan aýdarmasyn berý qajet;
- notarıaldy kýálandyrylǵan senimhat (ókil júgingen kezde).
Portal arqyly júgingen kezde:
- sheteldik ókiliniń ESQ-men rastalǵan elektrondyq suraý salý;
- jeke basyn kýálandyratyn qujattyń elektrondyq kóshirmesi (eger tıisti tarappen nemese QR Úkimetimen kelisimde ózgeshe tártip belgilenbese, jaramdy sheteldik pasport). Eger sheteldiktiń jeke basyn kýálandyratyn qujatta kırıllısada nemese latyn álipbıinde anyqtama derekteriniń (tegi, aty, ákesiniń aty, týǵan jeri) jazylýy bolmasa, qujattyń tıisti notarıaldy kýálandyrylǵan aýdarmasyn berý qajet;
- ókil júgingen jaǵdaıda notarıaldy kýálandyrylǵan senimhat;
- Qazaqstan Respýblıkasy sotynyń bas bostandyǵynan aıyrýǵa úkimi boıynsha sottalǵan sheteldikterde, azamattyǵy joq adamdarda jáne rettelmegen mártebesi bar adamdarda jeke basyn kýálandyratyn qujattar bolmaǵan kezde memlekettik qyzmetti alý úshin ótinish negiz bolyp tabylady.
Sonymen qatar, endi sheteldikter JSN túzetý úshin júgine alady. Sol sııaqty, qujattar qosa berilip, turǵylyqty jeri boıynsha memlekettik korporasııa arqyly ótinish beriledi.
Ol úshin qujattardy memlekettik korporasııa arqyly usyný qajet:
- ótinish;
- jeke basty kýálandyratyn qujat (eger tıisti tarappen nemese QR Úkimetimen kelisimde ózgeshe tártip belgilenbese, jaramdy sheteldik pasport). Eger sheteldiktiń jeke basyn kýálandyratyn qujatta kırıllısada nemese latyn álipbıinde anyqtama derekteriniń (tegi, aty, ákesiniń aty, týǵan jeri) jazylýy bolmasa, qujattyń tıisti notarıaldy kýálandyrylǵan aýdarmasyn qosa berý qajet;
- ornatý derekterin ózgertý týraly kýálik;
- ókil júgingen jaǵdaıda notarıaldy kýálandyrylǵan senimhat.
IIM operatory kelip túsken ótinimderdiń durystyǵyn tekseredi jáne ótinim durys bolǵan jaǵdaıda JSN qalyptastyrý ne túzetý rásimin júzege asyrady.
Memlekettik qyzmet jeke tulǵalarǵa tegin kórsetiledi.
Buıryq 2023 jyldyń 25 aqpanynan bastap qoldanysqa engiziledi.
