Tutastaı bolattan quıylǵan dýlyǵany búginde tot basa bastaǵan. Pishini kúmbezge uqsaıdy. Tóbesinde bıiktigi shamamen 2,5 sm bolatyn tóbeshashaq bekitetin tútigi bar. Jıegine aınala tesik kózder salynypty. Sirá, moıyndy ushqan jebeden, qylyshtyń júzi men naızanyń ushynan qorǵaıtyn bolat shynjyrly jyǵa bekitýge arnalsa kerek.
– Sarykól óńirinen shyqqan Aıtbaı Atkeltiruly áıgili Bógenbaı, Qabanbaı batyrlarmen birge qazaq jerin syrtqy jaýlardan qorǵap qalǵan. Aıtbaı batyrdyń on segizinshi ǵasyrda Edil qalmaqtarymen Harbaly bekinisi úshin keskilesken qantógis shaıqasqa qatysyp, bekinisti jaýdan azat etkeni týraly derek bar. Aıtbaı batyr kıgen dýlyǵa atadan balaǵa mıras bolyp saqtalyp kele jatyr, – deıdi mýzeı basshysynyń orynbasary Elmıra Alshymova.
Aıtbaı Atkeltiruly tek batyr ǵana emes, el taǵdyry sheshiler keleli máseleler talqylanar tusta da súbeli sóz aıta bilgen sheshen kisi bolǵan. Onyń pikirimen han da, qara da sanasqan desedi. Máselen, Abylaı han hal ústinde jatqanda ornyna balasy Qasymnyń emes, Ýáliniń han taǵyna otyrýyna osy Aıtbaı batyrdyń ýáji sebep bolǵan degen aýyzeki derek bar.
El qurmetine bólengen batyr kıeli Túrkistandaǵy Qoja Ahmet Iаsaýı kesenesine jerlengen.
Qostanaı oblysy
