«Grand» jáne «Bıznes» vagondaryna jeńildikter

«Jolaýshylar tasymaly» AQ júrdek jolaýshylar poıyzdaryndaǵy qyzmetterdiń qoljetimdiligine jaǵdaı jasaý úshin jumystar júrgizýde. Qyzmetterdiń sapasyn arttyrý maqsatynda, sonymen qatar, jolaý­shylardyń suranystaryn qana­ǵattandyrý úshin «Jolaýshylar tasymaly» AQ №19/20 «Atyraý – Astana», №77/78 «Almaty – Atyraý», №87/88 «Aqtóbe – Astana» jolaýshylar poıyzdarynyń «Grand» (SV), «Bıznes» (kýpe) sanatty vagondarynda júrýge jeńildikter engizedi. Ol degenimiz, mereke aldy jáne mereke kúnderinen ózge, demalys kúnderi tarıfter jumys kúnderiniń deńgeıinde bolady degen sóz. «Tulpar-Talgo» poıyzynyń «Grand» (SV) vagonynda qosymsha sanıtarlyq jelimen jáne jeke dýsh bólimi bar bes eki oryndyq kýpe bar. «Bıznes» sanatty vagondarda (jeke sanıtarlyq jelisi joq eki oryndyq) «Grand» vagondary sekildi jolaýshylardyń jaılylyǵy úshin otyrǵyshtardyń shyntaq taıanyshtaryna jınalmaly shaǵyn ústelder ornatylady. Ár kýpe poıyz jolserigimen baılanystyratyn telefonmen jabdyqtalǵan. «Egemen-aqparat».