El Prezıdenti Qasym-Jomart Toqaev halyqqa Joldaýynda: «Qoǵamdy uıystyrý, ulttyq biregeılikti nyǵaıtý isinde elimizdiń tarıhı murasyn jáne mádenı áleýetin tıimdi paıdalanýǵa basa mán beriledi» degen bolatyn. О́ner adamdarynyń ulttyq mádenıetti ilgeriletý jolynda mańyzdy ról atqaratyny málim. Osy maqsatta atalǵan shyǵarmashylyq ujym ótken jyly jańa qurylǵan Abaı, Ulytaý, Jetisý oblystaryna, Qyzylorda oblysyna, Pavlodar, Qaraǵandy, Almaty, Petropavl qalalaryna baryp 17 myń shaqyrymdaı jol júrip, qalalar men aýyldarda, shamamen 50 myńǵa jýyq kórermenge óner kórsetti.
«Memleket basshysy Qasym-Jomart Toqaevtyń elimizdegi monoqalalardy jan-jaqty damytýǵa baǵyttalǵan tapsyrmalaryna sáıkes, «El birligi – jańa Qazaqstan» jobasy bıyl qaıtadan jalǵasyn taýyp, Mańǵystaý, Atyraý, Batys Qazaqstan, Aqtóbe jáne Qostanaı oblystarynda uıymdastyrylady», – dedi Aqtoty Raıymqulova.
Sondaı-aq ol atalǵan joba aıasynda 2025 jylǵa deıin 28 aýdan, 29 monoqala, 20 oblys ortalyǵynyń turǵyndary kezeń-kezeńmen qamtylatynyn, jalpy alǵanda, bıyl 3 respýblıkalyq joba men 5 baǵyt boıynsha gastroldik sapar josparlanyp otyrǵanyn aıtty.
Mekeme basshysy atap ótkendeı, 1 naýryzda «Qazaqkonsert» ujymynyń uıymdastyrýymen jańa quramdaǵy «Gúlder» ansambliniń tusaýkeser-konserti ótedi. Jobaǵa daıyndyq kezinde «Gúlder» ansambliniń muraǵattyq materıaldary muqııat zerdelenip, toptyń «Altyn qorynan» eń úzdik nómirler iriktelip alyndy. Aıtýly keshke ansambldiń alǵashqy solısteriniń biri, Qazaqstannyń Halyq ártisi Roza Rymbaeva, jas ánshiler Mádı Syzdyqov, Zarına Bojakova, Dıdar Ábdihalyq, Saltanat Meńdiǵalıeva, «Turan» folklorly-etnografııalyq ansambli men «Steppe Sons» alternatıv-folk toby qatysady.
Aıta keteıik, ótken jyldyń tamyz aıynda «Roza Baǵlanova atyndaǵy «Qazaqkonsert» memlekettik konserttik uıymy aty ańyzǵa aınalǵan shyǵarmashylyq ujym «Gúlder» ansamblin jańǵyrtý jobasyn qolǵa alǵan edi. Osy maqsatta ujymǵa shyǵarmashylyq oqý oryndarynyń túlekteri alyndy. Tájirıbeli tálimgerler – bas baletmeıster Anvara Sadyqova jáne jobanyń kórkemdik jetekshisi ári dırıjeri Serik Dáýletov shaqyryldy.
«Jalpy alǵanda bıyl 5 halyqaralyq jáne 3 respýblıkalyq, 8 baǵyttaǵy shet memleketke jáne 5 baǵyt boıynsha respýblıkalyq gastroldik sapar josparlanyp, solıster men shyǵarmashylyq ujymdardyń konsertteri ótedi. 2023-2024 j.j. AQSh, Fransııa, Germanııa, Shveısarııa, Belgııa, Aýstrııa, Horvatııa, Slovenııa, Majarstan, Ońtústik Koreıa, QHR, О́zbekstan, Qyrǵyzstan jáne t.b. elderde halyqaralyq is-sharalar uıymdastyrylady», dedi spıker.
Sondaı-aq 23 aqpan kúni «Qazaqkonserttiń» solısteri «Turan» folklorly-etnografııalyq ansambli arnaıy Almaty jurtshylyǵy úshin «Folk & symphony» jobasyn usynady. Atalmysh kesh ansambldiń 15 jyldyq merekesine oraı uıymdastyrylǵan alǵashqy konserti bolmaq.
«Bıyl «Alem saz» II Halyqaralyq mýzyka festıvali ótedi. Is-sharanyń maqsaty – ulttyq mádenıetterdi biriktirý, saqtaý jáne damytý, ártúrli elderdiń tarıhı murasy men mádenı qundylyqtarymen tanysý. Byltyr festıval joǵary deńgeıde ótip, jobaǵa 7 eldiń tanymal mýzykanttary keldi. Al bıyl 16 el qatysýǵa nıet bildirip otyr (Úndistan, Ispanııa, Germanııa, Ońtústik Koreıa, Reseı, Belarýs, Italııa, Marokko, Indonezııa, Fransııa, Qyrǵyzstan, Armenııa, Kýba, Ázerbaıjan, О́zbekstan). Festıvaldiń ár kúninde sheteldik ártister óner kórsetip, kıno-kórsetilimder, sándik-qoldanbaly óner kórmesi men sheberlik synyptar uıymdastyrylmaq», dedi mekemeniń kórkemdik jetekshisi Tımýr Ýrmancheev.
Budan bólek ol áıgili kompozıtor Shámshi Qaldaıaqovtyń shyǵarmashylyq murasyn nasıhattaý maqsatynda halyqaralyq mýzyka festıvalin ótkizý josparlanyp otyrǵanyn aıtty. Al «Forte Trio» memlekettik trıosy álemniń bedeldi sahnalarynda, AQSh, Meksıka, Ulybrıtanııa, Fransııa, Lıýksembýrg, Italııa, Germanııa jáne t.b. kóptegen elderde turaqty túrde óner kórsetip turmaq.
Atalǵan ujym buǵan deıin «Ulylarǵa taǵzym» atty jobasy aıasynda kórnekti jazýshylar Muhtar Áýezovtiń, Ǵabıt Músirepovtiń, kompozıtorlar Ǵazıza Jubanovanyń, Erkeǵalı Rahmadıevtiń, jeztańdaı ánshiler Kúlásh Baıseıitovanyń, Roza Baǵlanovanyń, jazýshy Aqseleý Seıdimbektiń mereıtoılaryna oraı arnaıy merekelik is-sharalar kórermender nazaryna usynylǵan bolatyn. Igi joba bıyl da jalǵasady. Qazaq óneriniń taý-tulǵalary Yqylas Dúkenuly, Aqan Seri, Ámire, Qurmanǵazy, Temirbek Júrgenovtiń shyǵarmashylyǵyna arnalǵan mádenı is-sharalar uıymdastyrylmaq.
Odan bólek Qazaqstannyń búgingi ónerdiń shoq juldyzdary Altynbek Qorazbaev, Aıman Musaqojaeva, Roza Rymbaeva, Tólegen Muhamedjanov, Erkesh Shákeevtiń shyǵarmashylyqtaryna arnalǵan jeke konsertteri de josparlanyp otyr.
Sondaı-aq jyl sońyna qaraı túrkitildes elderdiń folklor ónerin nasıhattaý, mýltı-mádenı keńistik qurý, elder arasyndaǵy mádenı baılanystardy nyǵaıtýǵa baılanysty «Kóshpeliler áýeni» atty halyqaralyq folklorlyq mýzyka festıvali josparlanǵan. Atalmysh is-sharaǵa 10-nan astam túrkitildes eldiń jáne otandyq folklorlyq-etnografııalyq ansamblder qatysady.
«Qazaqkonserttiń» erekshe kóńil bólip ótkizetin jobalarynyń biri «Arman asýlary» respýblıkalyq festıvali edi. О́tken jyly múmkindigi shekteýli daryndy balalar arasyndaǵy talanttardy anyqtaý, shyǵarmashylyq qabiletterin arttyrý men damytýǵa qajetti jaǵdaı jasap, ujymnyń óner juldyzdarymen birge óner kórsetý maqsatynda ótkizilgen joba bolatyn. Festıval bıyl da ótkiziledi.
Buǵan qosa «Qazaqkonserttegi djaz keshteri» atty jańa konserttik baǵdarlama uıymdastyrylyp, kórermenderdiń súıispenshiligine bólengenin de aıta alamyz. Osyǵan oraı bıyl Halyqaralyq djaz festıvalin ótkizý josparda bar. Oǵan sheteldik jáne otandyq solıster, ansamblder, orkestrler men etno-djaz ujymdary qatysady.
