Jol kartasy: Derek pen dáıek

Oblystyq statıstıka depar­ta­mentiniń derekterine qara­ǵanda, ın­vestısııanyń 25546,0 mln. teń­gesi nemese 56,9 paıyzy sheteldik, 17841,3 mıllıony ne­me­se 39,8 paı­yzy kásiporyn­dardyń óz qar­jysy bolsa, 1500,6 mln. teńgesi nemese 3,3 paıyzy bıýdjet úle­sinde. Investısııanyń 73,7 paıyzy ónerkásipke baǵyttalsa, 7,7 paı­y­z­y kólik pen qoıma, 4,7 paıyzy jyljymaıtyn múlikpen jumys jáne densaýlyq saqtaý, 2,2 paıy­zy aýyl sharýashylyǵy, 2 paıyzy saýda salasyna jumsalǵan. Salynǵan qarjynyń 54,6 paıyzy – Bórli, 21,4 paıyzy Zelenov aýdanynyń enshisinde.

Temir QUSAIYN. Batys Qazaqstan oblysy.

600 000 000 Bıyl paıdalanýǵa beriletin “SpestransStroıKompanııa” JShS-niń qurylys buıymdaryn shyǵarý zaýytyn iske qosý úshin osynshama teńge qarjy salynǵan. Zaýyt qýaty 500 myń shar­shy metr trotýar plıtkalaryn, 1200 myń dana jıek tastar, 900 myń dana qabyrǵalyq bloktar shyǵarýǵa múmkindik beredi. Bul – Batys Qazaqstandaǵy birden-bir iri joba. Jobany júzege asy­rý barysynda Germanııa fır­ma­sy­nyń jańa tehnologııasy paıda­la­nylýda. Zaýyt ónimderi Batys Qazaqstanǵa ótkiziledi jáne Or­ta­lyq Azııa elderine shyǵarylady dep kútilýde. Qazir jobaǵa bólingen qar­jynyń 95 paıyzy ıgerildi. Ol tolyq iske qosylǵanda jańadan 30 jumys oryndary ashylady.

Satybaldy SÁÝIRBAI. Aqtóbe oblysy.

156 600 000 О́ńirde “Jol kartasy” baǵdarlamasy boıynsha kadrlardy daıarlaý jáne qaıta daıarlaýǵa bólingen qarjynyń osynshamasy ıgerilgen. “Jol kartasy” boıynsha óńir­de bıyl áleýmettik jumys oryn­daryn qurý jáne jastar táji­rıbesin uıymdastyrý ba­ǵy­tynda qolǵa alynǵan jumystar qup­tar­lyq deýge bolady. Baǵdarlama boıynsha kadr­lar­dy daıarlaý jáne qaıta daıar­laý jalǵasyp, 4500 adamdy oqytý maqsatynda respýb­lıkalyq bıýd­jetten 562,6 mln. teńge qaras­ty­ryl­ǵan bolatyn. Nátıjesinde 23 oqý ornymen kelisim-shart jasalyp, 3300 adam daıarlyq kýrstaryna jiberilgen. Olardyń qatarynda eńbek sura­ny­syna qajetti mamandyqtar alý­ǵa basymdyq berilip, 2100 adam 2009 jyldan beri oqyp, kás­ibı bilim alýdaǵy alǵa qoıǵan talap­taryn júzege asyrǵan. Osy­laısha búgingi kúnge atalǵan baǵ­dar­lamaǵa bólingen qar­jynyń 156,6 mln. teńgesi tolyq ıgerilip, jumys­syzdyqtyń aldyn alý úde­ris­teri oıdaǵydaı júzege asy­rylýda.

Kúmisjan BAIJAN. Almaty oblysy.