Elorda zeınetkerleri jylyna bir ret jeńildetilgen baǵada sanatorıı-kýrorttyq em-domdy Katarkól kóliniń jaǵasyndaǵy Shýchınsk-Býrabaı kýrorttyq aımaǵynda – qarttarǵa, múgedekter men balalarǵa arnalǵan ońaltý ortalyǵynda ala alady. Soǵys ardagerleri men olarǵa teńestirilgen adamdarǵa joldama tegin beriledi.
Sondaı-aq 1 qazanda atap ótiletin qarttar kúnine oraı 2,5 AEK mólsherinde birjolǵy aqshalaı tólem aýdarylady.
Qajet bolǵan jaǵdaıda zeınetkerlerge qatty otyn satyp alý boıynsha áleýmettik kómek bólinýi múmkin. Ony jasy boıynsha zeınetkerler, múgedektigi bar adamdar, múgedektigi bar balalar, áleýmettik mańyzdy aýrýlary bar adamdar, kópbalaly otbasylar, jetim balalar, ata-anasynyń qamqorlyǵynsyz qalǵan balalar, peshpen jylytylatyn jeke turǵyn úılerde turatyn, onyń menshik ıeleri (jaldaýshylary) ne músheleri sanalatyn balalar úıiniń túlekteri ala alady. Menshik ıesiniń (jaldaýshynyń) otbasy, olarda jáne otbasy múshelerinde basqa turǵyn úı bolmaǵan jáne jan basyna shaqqandaǵy ortasha tabysy tórt eń tómengi kúnkóris deńgeıinen aspaıtyn bolsa, jylytý maýsymyna 16 AEK mólsherinde kómek beriledi.
Aıgúl Talasovanyń aıtýynsha, zeınetkerlerge gaz qazandyǵyn ornatý boıynsha shyǵyndary ótelýi múmkin.
Sondaı-aq tizimde ómirlik qıyn jaǵdaıǵa tap bolǵandarǵa dári-dármek satyp alýǵa jáne aqyly medısınalyq qyzmetterdi qarjylaı túrde alýǵa jylyna 1 ret 13 AEK mólsherinde birjolǵy áleýmettik kómek bar.
«Astana qalasy boıynsha tis protezdeý jáne aýyz qýysyn protezge deıingi sanasııalaý qyzmetterine bıyl 3000 oryn bólindi. Qazirgi ýaqytta tis protezdeý jáne sanasııa qyzmetterin usynýǵa memlekettik satyp alý boıynsha konkýrs jarııalandy, sodan keıin tender ótkiziledi, nátıjesinde qyzmet kórsetýshimen (stomatologııamen) shart jasalady. Budan ári BAQ arqyly qala turǵyndaryna tis protezdeýge jazylýdyń merzimi men orny týraly habarlanady, ol eki jylda bir ret beriledi. Tis protezdeýge úmitkerlerdi tirkeýge sáıkes qyzmet jyl boıy kórsetiledi», dep túsindirdi Aıgúl Talasova.
Sonymen qatar zeınetkerler qalalyq jolaýshylar kóliginiń qyzmetin tegin paıdalana alady.
«Sharapat» áleýmettik qyzmet kórsetý ortalyǵynda jáne belsendi uzaq ómir súrý ortalyǵynda aǵa býyn ókilderine qoldaý men kómek kórsetiledi.
