«Búgin Rıdder jylý elektr ortalyǵynyń jańa ınvestorlarymen kezdesý ótkizdim. Birden aıta keteıin, on kún ishinde jylý ortalyǵynyń jańa ıeleri jóndeý jumystarynyń tolyq kestesin usynýmen qatar qajetti jabdyqtar men komponentterdiń, mamandardyń tizimi men sanyn kórsetýi qajet. Tórtinshi jáne besinshi qazandyqtarǵa, kómir berýdiń rezervtik traktisine, órtten zardap shekken Ortalyq ǵımaratynyń ózine erekshe nazar aýdarýy shart. Barlyq jabdyqtar men jeliler kúrdeli jóndeýdi qajet etedi, sondyqtan keste osy máselelerdiń búkil blogyn qamtyǵany durys», dep jazdy óńir ákimi.
Danııal Ahmetovtyń aıtýynsha, stansııa qyzmetkerleriniń qaýipsiz eńbek jaǵdaılaryna da basa nazar aýdarý mańyzdy, ol úshin aspırasııa jáne jeldetý júıelerin jóndeý kerek.
«Jóndeý jumystarynan basqa Qarajyra kómir kenishi aldyndaǵy debıtorlyq bereshekti óteý kestesin jasaýdy da esten shyǵarmaǵan jón», dep qosty Danııal Ahmetov.
Bul rette ol Rıdder qalasynyń barlyq turǵyndaryna alǵys aıtty.
«Rıdder qalasynyń barlyq turǵyndaryna úlken alǵys aıtamyn. Qıyn jaǵdaıda dúrbeleńge salynbaı, joǵary túsinistik tanytty. Rıdder qalasy ákimine jylý elektr ortalyǵy toqtaýsyz istep turýyna baılanysty jergilikti aýqymdaǵy tehnogendik sıpattaǵy tótenshe jaǵdaı rejımin alyp tastaýǵa tapsyrma berdim», dep qorytyndylady ShQO ákimi.
