Bundaı semınar Astanada alǵash ret. Bul eýropalyq fýtbol qaýymdastyqtary odaǵynyń músheleri úshin óte bedeldi kýrs jáne kóp elder ony ózderinde ótkizýge yntaly. Qazaqstan da ÝEFA-ǵa birneshe ret ótinish bergen bolatyn. Oraıy osy jylǵa keldi.
«Bizge birneshe jyldan beri Qazaqstanda ótkizýge ótinim túsip júr. QFF jańa prezıdenti Ádilet Barmenqulovtyń arqasynda bıyl ótkizip otyrmyz», dedi ÝEFA-nyń ulttyq assosasııalardy damytý jónindegi dırektory Terrı Favr.
Qazirgi ýaqytta búkil el boıynsha barlyq deńgeılerde úsh myń joǵary bilikti maman qajet. Al federasııanyń málimetteri boıynsha olardyń sany 300-ge ǵana jetedi.
UEFA CFM kýrsy toǵyz aıǵa sozylady. Ol 350 saǵattyq sabaqty quraıtyn alty negizgi modýlden turady. Kirispe modýl Astanada ótedi. Trenıng fýtbol klýbtary men qaýymdastyqtardy basqarýdyń barlyq salalaryn qamtıdy: Qarjy, marketıng, kommýnıkasııa, jedel basqarý, strategııalyq damý jáne adamı resýrstar. Baıandamashylar ÝEFA, sondaı-aq Shveısarııa, Shotlandııa, Italııa, Fransııa jáne Anglııa ýnıversıtetteriniń jetekshi sarapshylary.
