Saılaý naýqany 18 aqpanda saǵat 18:00-de bastalyp, 18 naýryzda saǵat 00:00-ge deıin jalǵasady.
Úgit-nasıhatqa sharttyq negizde qatysqysy keletin onlaın-platformalardy paıdalanýshylar saılaý komıssııalaryna úgit materıaldaryn ornalastyrý sharttary men tólem mólsheri týraly málimetterdi usynýy tıis. Aqparat úgit-nasıhat jumystary bastalǵanǵa deıin 5 kúnnen keshiktirilmeı, ıaǵnı 14 aqpanǵa deıin usynylýy tıis.
Merziminde málimet bergen paıdalanýshylar úgit materıaldaryn ornalastyrýǵa jáne kandıdattardyń saılaý qorlarynan tólem alýǵa quqyly.
14 aqpanǵa deıin OSK-da 465 BAQ pen onlaın-platformalardyń 40 paıdalanýshysy, aýmaqtyq saılaý komıssııalaryna - 2115 BAQ jáne onlaın-platformalardyń 55 paıdalanýshysy tólem mólsheri, efır men baspa alańdaryn usyný sharttary týraly málimetter usynyldy.
Endi daýys berý kúni ýchaskelerde árbir BAQ-tan bir ókil jáne qyzmettik kýáligi men redaksııalyq tapsyrmasy bolǵan kezde árbir telearnadan 3 ókilden artyq emes qatysa alady.
Ortalyq saılaý komıssııasynda saıası partııalardyń ókilderi daýys berýge arnalǵan bıýlletenderde partııalardyń ataýlaryn kórsetý tártibin aıqyndaý úshin jerebe tartý rásimin ótkizdi.
Eske sala ketsek, Májilis pen barlyq deńgeıdegi máslıhattarǵa saılaý 19 naýryzda ótedi.
