17 aqpanda 21 jastan asqandar arasynda fınaldyq beldesýler ótti. Eresekter quramasy 1 altyn, 2 kúmis jáne 4 qola medal jeńip aldy.
Batys Qazaqstan oblysynyń sportshysy Rýslan Ábdirahmanov (52,2 kelige deıin) fınaldyq kezdesýde Bahreın Koroldiginiń atynan shyqqan Magomed Sheıhovpen kezdesti. Jekpe-jek boıy ústemdik bir jaýyngerden ekinshisine ótti. Tóreshiler biraýyz sheshimge kele almaı, sonda da jeńis Sheıhovqa berildi. Rýslan Ábdirahmanov kúmis júldeger atandy.
83,9 kelige deıingi salmaqta óner kórsetip júrgen Jetisý óńiriniń týmasy Jaqsybek Aımahanov ta Bahreındik sportshydan jeńildi. Ol Sultan Omarovtyń qylqyndyrý ádisine túsip, MMA boıynsha vıse-chempıon atandy.
Batys Qazaqstan oblysy ókili asa aýyr salmaqtaǵy Rasýl Hataev MMA boıynsha álem chempıony atandy. Ol Angola sportshysy Helder Manýelge jeńiske jeti úshin bir de múmkindik qaldyrǵan joq. Ol birinshi raýndta ókshesine aýyrtý tásilin qoldanyp, jekpe-jekti ýaqytynan erte aıaqtap tastady.
Qola júldegerler:
52,2 kelige deıin - Erulan Qabdýlov (Atyraý oblysy)
77,1 kelige deıin - Dosjan Kenjebaev (Almaty oblysy)
93 kelige deıin - Alık Domnıch (Astana)
120,2 keliden asa - Talǵat Jıentaev (Qostanaı oblysy)
MMA boıynsha eresekter arasyndaǵy álem chempıonatynda Qazaqstan quramasy komandalyq septe ekinshi oryn aldy.
