«Sybaılas jemqorlyqqa qarsy qyzmetiniń ókilderi Túrkistan oblysy Jetisaı aýdanynyń ákimshiligin tekserip, aýyldyq okrýgteriniń ákimderin qylmystyq jaýapkershilikke tartýmen qorqytyp, olardan aqshalaı qarajat talap etken. Olardyń turaqty túrdegi talaptarynan keıin ákimshilik jumyskerleri tekserýshilerge tekseristiń oń sheshilýi úshin 400-myńnan 630-myń teńgege deıingi qarajatty berip, para berý deregi boıynsha ustaldy», dep habarlady Bas prokýratýra.
Nátıjesinde 7 aýyldyq okrýgtiń ákimderi men ákimshiliktiń 1 esepshisi sottarmen ártúrli merzimge bas bostandyqtarynan aıyrý jáne aıyppul túrindegi jazalarǵa tartyldy. Bas Prokýrordyń narazylyǵymen Joǵarǵy Sot olardy tolyǵymen aqtap, Sybaılas jemqorlyqqa qarsy qyzmetiniń ókilderiniń is-áreketterinde tikeleı arandatýshylyq bar ekenin anyqtaǵan.
«2 jedel ókilge qatysty Qylmystyq kodektiń 362-baby 4-bóligimen (bılikti jáne laýazymdyq ókilettikterdi asyra paıdalaný) sotqa deıingi tergep-tekserý bastaldy. Tergep-tekserýdi Bas prokýratýranyń arnaıy prokýrory júrgizip, kinálaryn tolyǵymen dáleldep, qylmystyq is sotqa joldandy. Túrkistan oblysy Jetisaı aýdandyq sotynyń 2023 jylǵy 26 qańtaryndaǵy úkimimen aýyr sanattaǵy laýazymdyq qylmysty jasaǵandary úshin Sybaılas jemqorlyqqa qarsy qyzmetiniń burynǵy 2 jedel ókili arnaıy shenderinen aıyrylyp, árqaısysy 6 jylǵa bas bostandyqtarynan aıyrý jazasyna tartyldy. Jábirlenýshilerdiń paıdasyna moraldyq zalal óndirildi», delingen habarlamada.
Úkim zańdy kúshine engen joq.
