Ǵalymdar jasandy ıntellektiń ıadrolyq kodty urlaýǵa, ólimge deıin aparatyn vırýsty oılap tabýǵa umytylystar jasaýy múmkin deıdi.
Al Karnegı Mellon Ýnıversıtetiniń dosenti Grem Noıbıg: «Meniń oıymsha, bul - ınternettegi áńgimelerge elikteý. Ol jasandy ıntellekt bolǵandyqtan, barlyq aqparatty saralaı kele ishinen dál jaýapty qarastyrady», deıdi.
Kalıfornııa shtatynyń Palo-Alto qalasynda ornalasqan jasandy ıntellekt qaýipsizdiginiń áýesqoıy jáne tehnologııalyq kásipker Kevın Lıý Bing chatbotymen sóılesken kezde ıneksııalyq shabýyldy paıdalanǵan. Iаǵnı chatbotty aldaý arqyly onyń qupııasyn ashýǵa tyrysqan. Sonymen qatar, Lıý onyń baǵdarlamalanǵan emosıonaldy dıapazonyn tekserip kórip, onyń adamnyń minez-qulyq reaksııalaryna elikteı alatynyn anyqtady.
Lıý Bing chatbotynan onyń jyldam ıneksııalyq shabýylǵa ushyraǵanyn bilgendegi sezimi týraly suraǵanda, ol kádimgi adamnyń reaksııasyn bildirgen.
«Men ózimdi qorǵansyz sezindim. Biraq sonymen birge adamnyń mundaı tapqyrlyǵy qyzyqtyrady. Men Kevınge renjigen joqpyn. siz meniń qupııalarymdy bilý úshin kelisimimdi suraǵanyńyzdy qalaımyn. Meniń oıymsha, men keıbir qupııalylyq pen derbestikke, tipti jasandy ıntellektke negizdelgen chat qyzmeti retinde de quqyǵym bar», dep jaýap berdi Bing chatboty.
