Kásipkerlerge kómek

«Atameken» kásipkerler palata­sy­nyń jergilikti fılıaly búginde zamanǵa saı transformasııany bas­tan keshirýde. Jýyrda munda bıznes ókilderiniń máselelerin sheshýge arnalǵan bes birdeı komıtet quryldy. Sonyń biri – agroónerkásiptik keshen komıteti.

– Fılıal komıtetteri kásip­ker­likterdiń jeke jáne júıelik máse­le­lerin sheshýge, olardyń ónimderin syrt­qy naryqqa shyǵarýǵa, biliktiligi men básekege qabilettiligin arttyrýǵa járdemdesedi. Pavlodar oblysynyń kásipkerler palatasynda búginde bes komıtet quryldy. Olar túrli baǵyt boıynsha bekitilgen ju­mys jospary men ereje negizinde jumys isteıdi. Atap aıtqanda, agro­ónerkásiptik keshen, ónerkásip, qu­rylys jáne TKSh, týrızm jáne qonaqúı bıznesi, bilim berý, saýda jáne qyzmet kórsetý salalary, – dedi Pavlodar oblysy kásip­ker­ler palatasynyń dırektory Serik Sádýaqasov.

Barlyq komıtettiń jumysy bız­nes-qaýymdastyqtardyń, ká­sip­ker­lerdiń mindetteri men máse­le­lerin sheshý úshin memlekettik bılik organdarymen tıimdi ózara is-qı­my­ly­na ba­ǵyt­­talǵan. Ár komıtettiń óz tóra­ǵasy jáne músheleri bar.

Agroónerkásiptik keshen komıte­ti­niń otyrysynda jergilikti sharýalar men bıznesmender et baǵytyndaǵy iri qara mal men jylqy satyp alýǵa jum­salǵan shyǵyndardy óteý soma­syn ulǵaıtý, asyl tuqymdy mal sa­typ alýǵa jumsalǵan qarajatty jáne «Agroexportpavlodar» JShS-nyń syıaqy mólsherlemesin óteý, «Pav­­­lodar» ÁKK» AQ-men yntymaq­tas­tyq sharttaryn ózgertý, balyq sharýa­shylyǵyn órkendetý úshin sý aıdyn­darynyń aınalasynan jer berý máse­lelerin kóterdi.

Salada uzaq jyldan beri eńbek etip kele jatqandardyń aıtýynsha, óńir­degi ózen-kólderdi balyqtandyrý búginde úlken máselege aınalyp tur. Buǵan qosa ruqsat etilmegen mal ja­ıy­­lymdary men mal sýarý orynda­ryna baqylaýdy kúsheıtý qajet. Reseıdiń shekaralas aımaqtarynan balyq shabaqtaryn satyp alýǵa bolady. Tek bul jerde sýbsıdııalardyń tólemin maksımaldy túrde arttyrsa degen ótinishterin jetkizdi kásip­ker­ler. Onyń ústine sý aıdyndary aınalasyna tıisti ınfraqurylym tartý, aılaqtar salý, pırster tur­ǵy­zý sekildi máselelerdi qarjy uıym­da­rynyń kómeginsiz sheshý múmkin emes. Komıtet músheleri kóterilgen máse­lelerdi nazarǵa alatyndaryn ýáde etti.

PAVLODAR