- Aıtyńyzshy, qazir ortalyq nemen aınalysady?
- 10 jyldan astam ýaqyt boıy MJATO qyzmetkerlerdiń damýyna, quziretin arttyrýǵa jáne bilimderin únemi jańartyp otyrýǵa kómektesip keledi. Osy kezeńde biz 10 myńnan astam adamdy oqyttyq. Biz Is Basqarmasynyń vedomstvolyq qarasty 22 uıymymen yntymaqtastyq ornata aldyq. Bizdiń tyńdaýshylarymyz medısına qyzmetkerleri, zańgerler, býhgalterler, ekonomıster, qarjygerler, joǵary menedjment, ınjenerlik-tehnıkalyq qyzmetkerler jáne Is Basqarmasynyń alýan túrli júıesiniń ókilderi bolyp qyzmet atqaratyn basqa da jumyskerler.
Sapaly bilim berý maqsatynda ortalyq úzdik dáriskerlermen yntymaqtastyq qarym-qatynas ornatty. Bul - naryqta tanylǵan joǵary deńgeıdegi mamandar. Bizdiń pýlǵa 100-den astam dárisker-sarapshylar kiredi. Sondaı-aq Is Basqarmasy júıesi qyzmetkerleriniń ishinen tańdap alǵan 33 mamannan turatyn ishki dáriskerlerdi oqytý is-sharalaryna tartatyn jaıymyz bar.
- Oqytý týraly tolyǵyraq aıta alasyz ba? Tyńdaýshylarǵa qandaı aqparat qajet ekenin qalaı anyqtaısyz?
- Biz óz sabaqtarymyzdyń josparyn PIB vedomstvolyq qarasty uıymdarynyń qajettilikterine sáıkes qalyptastyramyz. Mysaly, IT mamandary kıberqaýipsizdik nemese bultty keńistikter taqyrybyna qyzyǵýshylyq tanytatynyn aıtady jáne biz olar úshin ońtaıly oqytýdy tańdaımyz. Qyzmetkerlerdiń basqa sanattary da dál osylaı jasaı alady.
- Eń tanymal kýrstar qandaı? Qazir eresekterdi oqytýda qandaı trendter bar?
- Qazir búkil álemde lifelong learning – ómir boıy úzdiksiz oqý úrdisi taralyp jatqanyn baıqaýǵa bolady. Búginde ýnıversıtet qabyrǵalarynda birneshe jyl oqyp, sodan keıin jumysta eskirgen daǵdylardy qoldaný eńbek naryǵy úshin tıimsiz. Qazir kásipqoılar bilimniń tez eskiretinin túsinedi jáne básekelestikke toly eńbek naryǵynda suranysqa ıe bolý úshin bilimderin únemi jańartyp otyrady.
Bul jerde aıta ketetin jaıt, sıfrlandyrý eńbek naryǵyna birqatar qysym jasap keledi. Ol birqatar fýnksııalardy joıyp, kóptegen jańa múmkindikterdi de usynyp jatyr.
Mysaly, bolashaq eńbek naryǵyna boljam jasaıtyn Dúnıejúzilik ekonomıkalyq forýmnyń 2018 jylǵy esebine sáıkes, jasandy ıntellekt 75 mıllıon jumysshynyń qysqarýyna sebep bolǵan, biraq 133 mıllıon jańa bos jumys orny qurylǵanyn da atap ótý kerek. Sondyqtan zamanaýı mamandar bilimderin, daǵdylaryn únemi shyńdaýǵa májbúr. Osyǵan baılanysty ár túrli kompanııalardyń qyzmetkerleri únemi kýrstardan, trenıngterden ótedi, biliktiligin arttyrady, tipti pánaralyq salalardy oqıdy. Mysaly, HR mamandary menedjmentti, joba menedjerleri – marketıngti zertteıdi.
Eresekterdi oqytýdaǵy bir mańyzdy tendensııa – mindfulness, ıaǵnı zeıindi damytý. Linkedin esebine sáıkes, jumys berýshilerdiń 92%-y ıkemdi daǵdylardy tehnıkalyq daǵdylardan góri mańyzdy dep sanaıdy. Olar shyǵarmashylyqty, adamdardy sendirý jáne qarym-qatynas jasaý qabiletin, beıimdelýdi kózdeıdi. Bul daǵdylar kez kelgen mamanǵa qajet.
- Búginde onlaın oqytý qanshalyqty tıimdi?
- Túrli pikirlerge qaramastan, onlaın formatynda da tıimdi oqýǵa bolady. Bizdiń tájirıbemizge súıene otyryp, tyńdaýshylardyń jigeri joǵary deńgeıde bolǵan kezde, olar ótken materıaldy tıimdi ıgeredi dep aıta alamyn. MJATO ótkizetin trenıngterge basqa qalalardyń onlaın tyńdaýshylary da qosylady.
Dese de, oflaın oqytý - áli de tanymal ádisterdiń biri. Bilim alý – shoǵyrlaný men tabandylyqty qajet etetin kúrdeli prosess. Oflaın format jınalý qıynǵa soǵatyndar úshin paıdaly. О́ıtkeni janyńyzda tabysqa jetýge nıettengen basqa da belsendi adamdardy kóresiz, erik-jigermen nazar aýdarýǵa májbúr etetin básekelestik elementteri paıda bolady. Sonymen qatar aýdıtorııadaǵy oqytý netvorkıngke múmkindik beredi.
- Ortalyqtyń aldaǵy josparlary qandaı? Oqytý úrdisine qandaı jańalyqtar engizilmekshi?
- Bıyl biz PIB júıesiniń qyzmetkerlerin ǵana oqytyp qoımaı, naryqqa shyǵyp, klıentter retinde basqa kompanııalardy – kvazımemlekettik jáne kommersııalyq sektorlardy tartamyz.
Sonymen qatar biz qazir óz veb-portalymyzdy ázirleý satysyndamyz. Tyńdaýshylarymyz ótken materıaldy qaıtalaı alýy úshin bizdiń trenıngter men semınarlardyń muraǵaty saqtalady. О́z bilimin rastaý úshin ınteraktıvti testter men tapsyrmalar ornalastyrylady.
Sondaı-aq osy portaldyń arqasynda biz jeke tulǵalar naryǵyna shyǵyp, derbes onlaın oqytý qyzmetterin usynǵymyz keledi.
Biz kóptegen jańa múmkindikterdi ashatyn veb-portalǵa úlken úmit artamyz. Árıne, ártúrli baǵyttardy synap kóremiz, sodan keıin nátıjelerge súıene otyryp, suranysqa ıe bolatyn tásildi júzege asyramyz.
- Ortalyqty damytý úshin kimniń tájirıbesine súıenesiz?
- Otandyq uıymdardan biz Memlekettik Basqarý Akademııasy, Samruk Business Academy, BI University jáne basqa da iri uıymdardyń tájirıbesin zertteımiz. Árıne, biz bárimiz bir-birimizden erekshelenemiz, biraq maqsatymyz ortaq.
Bizdiń ortalyq naryq jetistikterin paıdalana otyryp, oqytýda ozyq tájirıbelerdi udaıy engizýge jáne osy baǵytta engizilip jatqan jańalyqtardy zertteýge baǵyttalǵan.
