Sońǵy ret 2022 jyldyń qazan aıynda jeńiske jetken A.Býblık odan keıingi barlyq jarysynda utylyp, janarymen jer shuqyp qalǵan edi. Endi, mine, Bazeldegi týrnırde bastalǵan sátsizdik Fransııanyń Marsel qalasyndaǵy ATP 250 jarysynda aıaqtaldy. Jerlesimiz halyqaralyq týrnırdiń alǵashqy aınalymynda serbııalyq Fılıp Kraınovıchpen (67-raketka) sheberlik baıqasyp, úsh sette 5:7, 6:3, 6:4 esebimen jeńiske jetti.
Sondaı-aq Dýbaıdaǵy WTA 1000 týrnırine qatysyp jatqan áıelder arasyndaǵy qos tennısshimiz de jarysty jeńispen bastady. Álemniń 46-raketkasy Iýlııa Pýtınseva bastapqy kezdesýinde reıtıngte 28-orynda turǵan horvatııalyq Petra Martıchti úsh sette 6:4, 0:6, 6:2 esebimen utsa, Elena Rybakına alǵashqy aınalymda 2019 jylǵy US Open týrnıriniń jeńimpazy, kanadalyq Bıanka Andreeskýdi eki sette qapy qaldyrdy – 6:3, 6:4.
