Dástúrli týrnırdiń alǵashqy jarys kúninde sharshy alańǵa shyqqan 60 kılodaǵy byltyrǵy el chempıonatynyń kúmis júldegeri Erasyl Tańqaı Italııanyń dańqty boksshysy Danıele Salernomen qolǵap túıistirip, qarsylasyn tehnıkalyq nokaýtpen tize búktirdi. Jekpe-jek bastalǵan sátten basymdyqty óz qolyna alǵan otandasymyz úshinshi raýndta Salernony bir teńseltip aldy. Keıinnen tóreshi kezdesýdi toqtatyp, qazaq boksshysynyń jeńiske jetkenin málimdedi.
Qazaqstan jankúıerleri keshe kúndizgi sessııada (17:00) 57 kılodaǵy Orazbek Asylqulov pen Djýd Gallaher (Irlandııa), 63,5 kılo salmaqtaǵy Ertýǵan Zeınýllınov pen Konde Oıer Ibarreche (Ispanııa), keshki sessııada (22:00) 54 kılodaǵy Bekzat Aldamjarov pen Bıllal Bennama (Fransııa), 67 kılodaǵy Temirhan Tezek pen Plamen Iаnkov (Bolgarııa) jáne 86 kılodaǵy Bekzat Tańatarov pen Kartık (Úndistan) arasyndaǵy kezdesýlerdi tamashalady.
