Keıingi málimetterge saı, Kahramanmarash, Gazıantep, Shanlyýrfa, Dııarbakyr, Adana, Adııaman, Osmanıe, Hataı, Kılıs, Malatııa jáne Elazıg provınsııalaryndaǵy jer silkinisi saldarynan 42 310 azamat qaza tapty. 448 myń adam apat aımaǵynan shyǵaryldy.
Anadolu agenttiginiń habarlaýynsha, qazir apat aımaǵyna AFAD, Túrik qarýly kúshteri, jaǵalaý kúzeti, órtke qarsy qyzmet, úkimettik emes uıymdar, sonymen qatar halyqaralyq qurylymdar ókilderin qosqanda 14 740 izdeý-qutqarý qyzmetkeri jumyldyrylǵan. Jalpy jer silkinisi bolǵan aımaqtarda 242 392 adam, onyń ishinde polısııa, jedel járdem jáne taǵy basqalary júr.
Aıta keteıik, 6 aqpanda Túrkııada 7,7 baldyq jer silkinisi boldy. Ol kórshiles jatqan elderge de sezildi.
Al 20 aqpanda Sırııamen shekaradaǵy elde 6,4 baldyq jańa jerasty dúmpýleri tirkeldi. Zilzala sondaı-aq Egıpette, Izraılde, Kıprde, Lıvanda, Sırııada baıqaldy.
