Qazaqstanda avtokólik óndirisiniń kólemi altynshy jyl qatarynan ósip keledi. Al sońǵy 12 aıda mashına jasaý salasyndaǵy avtoónerkásiptiń úlesi rekordtyq kórsetkish - 38,6%-dy qurady.
Energyprom sarapshylary naqtylaǵandaı, avtomobıl jasaý salasyndaǵy óndiristiń eń úlken kólemi dástúrli túrde Qostanaı oblysy men Almaty qalasyna tıesili. Atalǵan óńirlerde óndiris kólemi 89%-ǵa jetti.
Aıta ketsek, elimizde jeńil kólik satylymy otandyq óndiristiń ósýi esebinen ósip jatyr. Máselen, ishki naryqtaǵy satý kólemi bir jyl ishinde 4,7%-ǵa ulǵaıdy. Sonymen qatar osy kezeńde ımport birden 22,9%-ǵa tómendedi.
Qazaqstanda úlken suranysqa ıe 5 brendtiń ishinde birden tórteýi bizdiń elimizde shyǵarylady. Chevrolet, Kia, jáne Lada – qostanaılyq Allur, HYUNDAI - Almaty Hyundai Trans Kazakhstan zaýytynda shyǵarylady.
Sondaı-aq elimizde KamaTyresKZ shınalaryn shyǵaratyn zaýyt jumys isteı bastady, Allur zaýyty KIA Sportage avtomobılderiniń shanaqtaryn dánekerleý jáne boıaýmen CKD-óndirisin iske qosý úshin qýatyn keńeıtti, bıyl zaýytta KIA CERATO jáne Chevrolet Enix modelderi shyǵarylady dep josparlanyp otyr. Bul rette 2022 jyly Almatyda Chery, Haval jáne Changan avtomobılderin shyǵaratyn jańa zaýyt qurylysy bastalǵanyn atap ótken jón.
