Ǵalymdar Marstaǵy tirshilik belgilerin anyqtaý maqsatynda kóptegen jyldar boıy zertteý júrgizip keledi. Halyqaralyq Kornell astrobıologııa zertteý toby da geologııalyq synaqtar jasap kórdi. Alaıda, zamanaýı tehnologııalyq quraldar naqty málimet bere almaǵan.
21 aqpanda Nature Communications jýrnalynda jarııalanǵan maqalada avtor Alberto Feıren bul jaıly pikir bildirgen.
«Mars taý jynystaryndaǵy kez kelgen organıkalyq materıaldy zamanaýı aspaptar men ádister arqyly anyqtaý qıyn. Bizge naqty málimet alý úshin Marsqa kúrdeli tehnologııalyq quraldardy ornatyp, geologııalyq úlgilerdi Jerge jetkizý qajet», dep jazdy ǵalym.
Qazirgi ýaqytta NASA Eýropalyq ǵarysh agenttigimen jáne basqa uıymdarmen Perseverance roveri jınaǵan Marstyń geologııalyq úlgilerin jerge alyp kelý maqsatynda birlesip jumys istep jatyr. Feırenniń aıtýynsha, Rozalınd Franklın dep atalatyn alǵashqy eýropalyq Rover 2028 jyly iske qosylady.
