Tennıs • 23 Aqpan, 2023

Elordada eki iri týrnır ótedi

275 ret

kórsetildi

1 mın

oqý úshin

27 aqpan men 12 naýryz aralyǵynda Astanadaǵy Ulttyq tennıs ortalyǵynda «ITF World Tennis Tour» serııasy aıasynda áıelder arasyndaǵy «BeeTV 40 Women’s» jáne «BeeTV 60 Women’s» jarystarynyń jalaýy jelbireıdi. Eki týrnırdiń jalpy júlde qory –100 myń AQSh dollaryn quraıdy.

Álı BITО́RE

Elordadaǵy baıraqty dodaǵa álemdik reıtıngte TOP-300 tennısshiniń qataryna enetin sportshylar qatysady dep josparlanǵan. Olardyń arasynda 1ITF Circuit1 sanatyndaǵy jeti jarystyń jeńimpazy japonııalyq Moıýka Ýchıjıma (120 WTA), juptyq synda «Úlken dýlyǵa» týrnırleriniń toǵyz dúrkin jeńimpazy fransııalyq Krıstına Mladenovıch (150 WTA), reseılik jas tennısshi Anastasııa Zaharova (166 WTA), rýmynııalyq Irına-Marııa Bara (197 WTA), serbııalyq Natalıa Stefanovıch (221 WTA) jáne taǵy basqa tennısshiler bar.

Al óz jerimizde ótetin atalǵan jarysta el namysyn juptyq syndaǵy Qazaqstannyń birinshi raketkasy Anna Danılına, álemdik reıtıngte 483-orynda turǵan Jibek Qulambaeva, birneshe týrnırdiń jeńimpazy Gózal Aınıtdınova (509) men Arýjan Saǵyndyqova (1182), Dana Baıdáýlet pen Janel Rústemova qorǵaıdy.

Aıta keteıik, áıelder arasyndaǵy «ITF World Tennis Tour» aıasyna alty sanattaǵy júlde qory – 15 000, 25 000, 40 000,

60 000, 80 000 jáne 100 000 AQSh dollaryna teń jarystar kiredi. Elordadaǵy dodalar «ITF World Tennis Tour» týrnırleriniń úshinshi jáne tórtinshi sanatyna jatady.

Qazaqstannyń tennıs jan- kúıerleri atalǵan týrnırdi «Qazsport» jáne «Insport-tyń» «Bee TV» sporttyq bóliminen tikeleı efırde tamashalaı alady.