Sýretti túsirgen Iýrıı Bekker
Sýretshi belgili bir mátindegi keıipkerlerdi beıneleýde ýaqıǵalardy kózben kórgendeı oqyrmandy tap sol álemge engizip jiberedi. Ol qazaq rýhanııatynyń qazynasyna engen «Qobylandy batyr», «Qyz-Jibek», «Tazsha bala», «Aldarkóse», «Myń bir tún», «Álem halyqtarynyń ertegileri» syndy tanymal shyǵarmalardy, sondaı-aq Beıimbet Maılınniń «Raýshan – kommýnıst», Sáken Seıfýllınniń «Tar jol, taıǵaq keshý», Sábıt Muqanovtyń «Botagóz», Qurmanbaı Tolybaevtyń «Dán», Shyńǵys Aıtmatovtyń «Máńgúrt», Ábish Kekilbaevtyń «Bir shókim bult», «Shyńyraý» týyndylarynyń ıllıýstrasııalyq paraqshalaryn jasap, bezendirdi.
О́nertanýshy Gúlnar Jubanııazovanyń aıtýynsha, tanymal mátinderdiń ıllıýstrasııasy onyń qoltańbasynda qulpyra túsedi. Tulǵalyq qasıet pen minez yrǵaqty syzyqtarmen kórkemdeledi. Sýretshiniń taqyrypqa qaraı izdenisteri estetıkalyq, psıhologııalyq kúıdi sezdire, ondaǵy adamgershilik pen tárbıelik mándi tanýǵa múmkindik beredi. Sondaı-aq onyń grafıkalyq kompozısııalary erekshe bir kórkemdik pen kontrastyq úılesimdilikte sheshilgen.
Kitap kórkemdeýdegi sýretshiniń kásibı sheberlik tulǵasyn, ishki jan dúnıesin, rýhanı bolmysyn árbir jasaǵan ıllıýstrasııalyq kompozısııasynan tanýǵa bolady. О́ıtkeni belgili bir taqyryptyń astaryna beınelik kompozısııa arqyly tereń túsinik beretin árbir yrǵaqty syzyqtary tarıhtyń ótken sarynyn, ondaǵy shyndyqtardy aıqyndaǵan.
О́ner ıesi halqymyzdyń jyr-dastandaryn, belgili aqyn-jazýshylarymyzdyń qundy eńbekterindegi ǵajaıyp ortany, ondaǵy sıýjetterdi jan dúnıesimen zerdelegen. Onyń týyndylarynda qanshama keıipker tarıhı obrazǵa aınaldy.
Sýretshiler odaǵynyń múshesi, Jýrnalıster odaǵynyń múshesi, Polıgrafııaǵa eńbegi sińgen qaıratker, VSSPS baspasynyń úzdigi, baspalarda jarııalanǵan «Kitap óneri» halyqaralyq jáne respýblıkalyq birneshe baıqaýdyń jeńimpazy – Kárim Bekenov 1938 jyly 10 qazanda Aqmola oblysy, Shortandy aýdany, Klıýchı aýylynda dúnıege keldi. 1965 jyly N.V.Gogol atyndaǵy Almaty kórkemsýret ýchılıshesin bitirip, 1967-1968 jyldary «Selınograd HPM» sýretshi kórkemdeýshi qyzmetin atqardy. 1973 jyly Máskeý polıgrafııa ınstıtýtyn támamdady. 1965-1997 jyldary ol mamandyǵy boıynsha «Mektep», «Jeti qara», №1 baspahana baspasynda kórkemdeýshi redaktor, aǵa tehnıkalyq redaktor, bas sýretshi, kórkemsýret bóliminiń meńgerýshisi, 2007-2011 jyldary Temirbek Júrgenov atyndaǵy QazUО́A-nyń «Grafıkalyq dızaın» kafedrasynyń aǵa oqytýshysy bolyp eńbek etti.
ALMATY
