«Aq jol» partııasy «Maslodel» kompanııasyna tehnıkalyq retteý salasyndaǵy zańdy múddelerin qorǵaýǵa kómekteskenin atap ótken jón. О́ńdeýshiler memlekettik organdar aýyl sharýashylyǵy shıkizaty men ıngredıentterdiń otandyq óndirisin qurýǵa kómektesýi kerek dep esepteıdi. Olardyń basym bóligi basqa elderden ımporttalǵanmen, turaqty jáne boljamdy sýbsıdııalaý saıasaty jaǵdaıynda Qazaqstanda da ósirýge múmkindik bar. О́ndirýshiler saýda jelileriniń jumysynda otandyq taýarlarǵa artyqshylyq berýdi talap etedi. Búginde iri saýda ortalyqtarymen básekege túse almaıtyn, biraq halyqqa qoljetimdi ári yńǵaıly bolyp turǵan «úı janyndaǵy dúkenderdiń» jumysyn úılestirý de óz aldyna bólek másele.
Shtab músheleri «Aq jol» partııasynyń saıası baǵdarlamasyn tanystyrdy. Ádil básekelestik, shaǵyn bıznestiń salyq eseptiligin patentke aýystyrý, jeke tulǵalardyń bankrottyǵy týraly zańnyń basqa da tarmaqtary jınalǵan qaýymnyń úlken qyzyǵýshylyǵyn týdyrdy.
– Biz zań shyǵarý jumysymyzda, depýtattyq saýaldarda kóteretin usynystarymyzda árdaıym naryqtyq ekonomıka ustanymdaryn tolyqqandy júzege asyrýdy talap etemiz. О́kinishke qaraı, elde naryqtyq emes ekonomıka qalyptasqanyn kórip otyrmyz. Bizde olıgopolııaǵa tıimdi bolǵanymen, bar aýyrtpalyǵy shaǵyn orta bıznes pen halyqtyń moınyna júkteletin memlekettik-monopolııalyq kapıtalızm qalyptasqan. Memlekettiń ekonomıkaǵa aralasýy ádil ári adal básekelestikti joıdy. Bul jaǵdaıda bıýdjetten qarjylandyrylsa da, memlekettik holdıngter men ulttyq kompanııalardan bıýdjetke kiris túspeıdi, – dedi Azat Perýashev.
Partııa jetekshisi mıkroqarjy uıymdaryna jeke tulǵalardyń depozıtterin qabyldaýǵa ruqsat berý týraly usynysty jan-jaqty talqylaýdy usyndy.
