Márııamnyń aınasy

Bul halyq ánine para-par áıgili týyn­dy. Anyǵyn aıtsaq, Márııam Ja­gor­­qyzynyń ǵashyqtyq jyry. Qa­zaq­­shaǵa sýdaı, dombyrany da jaqsy tartatyn orys qyzynyń Dýdar (keıbir derekterde Dúısen dep aıtylady) esimdi qa­zaq jigitin qulaı súıip, ǵashyqtyq ǵala­matynan týǵan án. Ǵajap bir sezimnen tógilgen jyr jaryqqa shyqqan boıda-aq el arasyna taralyp ketti. Kóbi avtoryn bilmegen soń, halyq ánderiniń qataryna qosyp ta jibergen. Keıin mý­zyka zertteýshileri A.Zataevıch pen B.Er­zakovıch týyndynyń shyǵý ta­rıhyn anyqtady. Áıdik ándi alǵash­qylardyń biri bolyp kómeıine bulbul uıa salǵan Ámire Qashaýbaev oryndaǵan. Keıin onyń negizinde poema da, opera da jazyldy. Iá, Márııam Jagorqyzynyń esimi dúıim qazaqqa osylaı tanyldy. 

Ulttyq mýzeı qorynda sol Márııam­nyń aınasy saqtaýly tur. Aǵash­pen jıektelgen aına qoldan ja­salǵan. Eni 29,7 sm, uzyndyǵy 76,6 sm, shynysynyń eni 22 sm, uzyndyǵy 31,5 sm. Atalǵan murajaıdyń baspasóz qyzmetiniń habarlaýynsha, bul jádigerdi 2017 jyly 26 jeltoqsanda Ulttyq mýzeıge Márııam Jagorqyzynyń nemeresi Qabıba Nurbekova arnaıy tabystaǵan. Qabıba apaı ájesi aınany kórshisiniń qyzyna syıǵa bergen deıdi. Biraz jyldar ótken soń aına M.Ja­gorqyzynyń urpaqtaryna qaı­taryldy.

Al jádigerdiń qazirgi qalpy eskirgen, aǵashy keýip ketken, kirlengen, shynysynda daqtary bar.

О́zi de, sózi de, áni de, sezimi de ańyzǵa aınalǵan ánshiniń taranǵan aınasyna qarap turyp, ózińdi kórý de bir ǵajap  shyǵar.