Sýretti túsirgen Erlan OMAR, «EQ»
Bul týraly Astana qalalyq bilim basqarmasynyń basshysy Qasymhan Senǵazyev málimdedi. Jaǵymdy jańalyqty kópshilik jaqsy qabyldady. О́ıtkeni elordada bilim ordalarynyń jetispeıtini barshaǵa málim.
– Sońǵy úsh jylda elordada 64 500 oryndyq 36 mektep paıdalanýǵa berildi. Jyl saıyn oqýshylar kontıngenti 21 myńǵa artyp keledi. Bul jylyna shamamen 10 mektepti paıdalanýǵa berý kerek degendi ańǵartady. Qazirgi tańda elordada 236 757 bala kontıngenti bar 162 jalpy bilim beretin mektep jumys isteıdi. Qalamyzda bala sany shamadan tys 18 mektep, úsh aýysymdy 8 mektep bar. Oqýshylardyń oryn tapshylyǵy 26 myń oryndy quraıdy, – dedi Qasymhan Senǵazyev.
Onyń aıtýynsha, 2029 jylǵa deıin materıaldyq-tehnıkalyq bazany nyǵaıtý maqsatynda 58 bilim berý uıymynda kúrdeli jóndeý, 105 bilim berý nysanynda aǵymdaǵy jóndeý jumystary júrgiziledi. Sondaı-aq 302 robottehnıka, hımııa, fızıka, bıologııa, STEM pán kabınetteri alynady.
– Elordanyń orta bilim berý júıesiniń kadrlyq qurylymynda 13 903 muǵalim bar. Onyń 62 paıyzy pedagogıkalyq attestattaý qorytyndysy boıynsha jańa formattaǵy biliktilik sanattaryn aldy. Negizgi jalaqylaryna 30 paıyzdan 50 paıyzǵa deıin qosymsha tólem tólenedi. Jańa mektepterdiń qurylysyna baılanysty, onyń ishinde «Jaıly mektep» ulttyq jobasy aıasynda elordada 7 120 muǵalimge qajettilik týyndaıdy, – dedi basqarma basshysy.
Gúlálem ESQALIEVA
