Qazaqstan Respýblıkasy Tabıǵı monopolııalardy retteý agenttiginiń buıryǵy 2014 jylǵy №7-NQ

2014 jylǵy 14 qańtar, Astana qalasy «Esepteý quraly isten shyqqan jaǵdaıda esepteý quraldarynyń ortasha aılyq kórsetkishteri boıynsha usynylyp otyrǵan rettelip kórsetiletin kommýnaldyq qyzmetter (taýarlar, jumystar) úshin aqy óndirip alý erejesin bekitý týraly» Qazaqstan Respýblıkasynyń Tabıǵı monopolııalardy retteý agenttigi tóraǵasynyń 2005 jylǵy 27 jeltoqsandaǵy № 373-NQ buıryǵyna ózgerister engizý týraly». «Tabıǵı monopolııalar jáne retteletin naryqtar týraly» 1998 jylǵy 9 shildedegi Qazaqstan Respýblıkasynyń Zańynyń 7-baby 9-1) tarmaqshasyna jáne 12-1-baby 2) tarmaqshasyna sáıkes buıyramyn: 1. «Esepteý quraly isten shyqqan jaǵdaıda esepteý quraldarynyń ortasha aılyq kórsetkishteri boıynsha usynylyp otyrǵan rettelip kórsetiletin kommýnaldyq qyzmetter (taýarlar, jumystar) úshin aqy óndirip alý erejesin bekitý týraly» Qazaqstan Respýblıkasy Tabıǵı monopolııalardy retteý agenttigi tóraǵasynyń 2005 jylǵy 27 jeltoqsandaǵy № 373-NQ buıryǵyna (normatıvtik quqyqtyq aktilerdi memlekettik tirkeý tiziliminde № 4021 tirkelgen, «Iýrıdıcheskaıa gazeta» gazetinde 2006 jylǵy 2 aqpandaǵy № 17 (997) jarııalanǵan) mynadaı ózgerister engizilsin: kórsetilgen buıryqpen bekitilgen Esepteý quraly isten shyqqan jaǵdaıda esepteý quraldarynyń ortasha aılyq kórsetkishteri boıynsha usynylyp otyrǵan rettelip kórsetiletin kommýnaldyq qyzmetter (taýarlar, jumystar) úshin aqy óndirip alý erejesinde: 2-tarmaq mynadaı redaksııada jazylsyn: «2. Osy Ereje esepteý quraly isten shyqqan jaǵdaıda esepteý quraldarynyń ortasha aılyq kórsetkishteri boıynsha usynylyp otyrǵan sýmen jabdyqtaý jáne (nemese) sýdy burý sharýashylyǵy jáne káriz júıesiniń rettelip kórsetiletin qyzmetteri úshin aqy óndirip alý tártibin aıqyndaıdy.»; 3-tarmaq mynadaı redaksııada jazylsyn: «3. Osy Erejede mynadaı uǵym qoldanylady: esepteý quraly - normalanǵan metrologııalyq sıpattamasy bar, belgili bir ýaqyt aralyǵy ishinde fızıkalyq shama birligin jańǵyrtatyn jáne saqtaıtyn ári «О́lshem birligin qamtamasyz etý týraly» 2000 jylǵy 7 maýsymdaǵy Qazaqstan Respýblıkasynyń Zańynda belgilengen tártippen kommersııalyq esepke alý úshin qoldanýǵa ruqsat etilgen sý kólemin ólsheýge arnalǵan tehnıkalyq qural. Osy Erejede paıdalanylatyn ózge de uǵymdar men termınder tabıǵı monopolııalar jáne retteletin naryqtar týraly zańnamaǵa sáıkes qoldanylady.». 2. Qazaqstan Respýblıkasy Tabıǵı monopolııalardy retteý agenttiginiń Qubyr joldary jáne sý kárizi júıeleri salasyndaǵy retteý departamenti: 1) osy buıryqty Qazaqstan Respýblıkasynyń Ádilet mınıstrliginde zańnamada belgilengen tártippen memlekettik tirkeýdi; 2) buqaralyq aqparat kuraldarynda resmı jarııalanǵannan keıin osy buıryqty Qazaqstan Respýblıkasy Tabıǵı monopolııalardy retteý agenttiginiń ınternet-resýrsynda jarııalaýdy qamtamasyz etsin. 3. Qazaqstan Respýblıkasy Tabıǵı monopolııalardy retteý agenttiginiń Ákimshilik jumysy departamenti osy buıryq Qazaqstan Respýblıkasynyń Ádilet mınıstrliginde memlekettik tirkelgennen keıin: 1) ony resmı buqaralyq aqparat quraldarynda zańnamada belgilengen tártippen jarııalaýdy qamtamasyz etsin, keıin jarııalanǵany týraly málimetterdi Qazaqstan Respýblıkasy Tabıǵı monopolııalardy retteý agenttiginiń Zań departamentine usynsyn; 2) ony Qazaqstan Respýblıkasy Tabıǵı monopolııalardy retteý agenttiginiń qurylymdyq bólimsheleri men aýmaqtyq organdarynyń nazaryna jetkizsin; 3) buıryqtyń kóshirmesin kúntizbelik on kúnnen aspaıtyn merzimde «Ádilet» aqparattyq quqyqtyq júıede jarııalaý úshin qaǵaz jáne elektrondy tasyǵyshta joldasyn. 4. Osy buıryqtyń oryndalýyn baqylaý Qazaqstan Respýblıkasy Tabıǵı monopolııalardy retteý agenttigi tóraǵasynyń orynbasary A.Á. Alpysbaevqa júktelsin. 5. Osy buıryq alǵashqy resmı jarııalanǵan kúninen keıin kúntizbelik on kún ótken soń qoldanysqa engiziledi. Tóraǵa M. OSPANOV. «KELISILDI» Qazaqstan Respýblıkasynyń Ekonomıka jáne bıýdjettik josparlaý mınıstri ______ E. Dosaev 2014 jylǵy 20 qańtar Buıryq Qazaqstan Respýblıkasynyń Ádilet mınıstrliginde 2014 jylǵy 21 aqpandaǵy Normatıvtik quqyqtyq kelisimderdi memlekettik tirkeýdiń tizilimine №9170 bolyp engizildi.