Memleket basshysy Nursultan Nazarbaev QHR Qorǵanys mınıstri Lıan Gýanleni qabyldady, dep habarlady Qazaqstan Respýblıkasy Prezıdentiniń baspasóz qyzmeti.
Kezdesý kezinde ekijaqty yntymaqtastyq máselesi talqylandy.
– Qazaqstan men QHR qorǵanys vedomstvolarynyń budan bylaıǵy yntymaqtastyǵy máselesin jáne bizdiń elderdiń kúsh qurylymdary arasyndaǵy dostyq baılanystardy nyǵaıtýdy talqyladyq. Biz Nursultan Nazarbaevqa Qazaqstan men Qytaı arasyndaǵy strategııalyq qarym-qatynastardy damytýǵa erekshe kóńil bólgeni úshin razymyz, – dedi Lıan Gýanle.
* * *
Memleket basshysy Nursultan Nazarbaev “Enı” konserniniń bas atqarýshy dırektory Paolo Skaronıdi qabyldady, dep habarlady Qazaqstan Respýblıkasy Prezıdentiniń baspasóz qyzmeti. P.Skaronı Prezıdentti Qazaqstandaǵy konsernniń aǵymdaǵy qyzmeti men jumys josparlary týraly habardar etti. Áńgimelesý barysynda “Enı” Qazaqstannyń munaı-gaz salasyndaǵy iri ınvestorlardyń biri bolyp tabylatyny atap ótildi. – Biz Qarashyǵanaq jáne Qashaǵan jobalaryna qatysty keıbir jumys jáıtterin, sondaı-aq Qazaqstan Prezıdenti Nursultan Nazarbaev pen Italııa Premer-Mınıstri Sılvıo Berlýskonıdiń qatysýymen 2009 jylǵy qarashada Rımde qol qoıylǵan О́zara túsinistik týraly memorandýmnyń barlyq pozısııasyn talqyladyq. Bul qujat “Enı” men Qazaqstan arasyndaǵy yntymaqtastyq úshin, bárinen buryn, gaz jobalaryna, munaı óńdeý, munaı-gaz óndirisiniń ózge salalaryna jańa kókjıekter ashady, – dedi P.Skaronı jýrnalısterge arnalǵan brıfıngte.
