Jaqynda «Respublica» partııasynyń tóraǵalary men kandıdattary Taraz qalasyna bardy. Munda jergilikti kásipkerler, túrli saladaǵy kompanııalardyń eńbek ujymdarymen kezdesýler ótti. Kópshiliktiń aldynda partııa tóraǵasy Aıdarbek Qojanazarov, teń tóraǵa Syrymbek Taý, Májilis depýtattyǵyna kandıdattar – Qýanysh Shonbaı, Qyrmyzy Jandosova, Ekaterına Smolıakova, Ásel Dáken, Oljas Bolatbekuly jáne Baqytbek Hamıt sóz sóıledi. Olar partııa baǵdarlamasymen tanystyryp, «Elde neni ózgertý qajet?» degen saýaldy talqylady.
«Ras, bizdiń saıasatta tájirıbemiz joq. Biraq ýáde berip, keıin ony oryndamaı qalýdan tájirıbemiz joq. Sizderge beretin jalǵyz ýádemiz mynaý: Siz «Respublica» partııasynan tek shyndyqty estısiz, keıde bul shyndyq ashy bolýy múmkin», dedi A.Qojanazarov.
Ekaterına Smolıakova adamdarǵa ózgeristerge úmit syılaıtyn jańa partııa qurǵany úshin áriptesterine alǵys aıtty. «Men – qazaq tili men ádebıeti pániniń muǵalimimin. Jastarmen jumys isteýde
10 jyldan astam tájirıbem bar. Eki balanyń anasymyn. Balalarymnyń bolashaǵyn ózime úlgi bolatyn adamdarǵa senimdi túrde tapsyrǵym keledi, sol úshin de osy partııanyń qataryna qosylyp, ózgeristerge atsalyspaqpyn», dedi E.Smolıakova.
Partııanyń teń tóraǵasy Syrymbek Taý Qazaqstanda aýqymdy reformalar júrgizilý kerektigin aıtty. Eń aldymen, qaryzǵa belshesinen batqan el azamattarynyń jaǵdaıyn jaqsartýǵa basa nazar aýdarý kerek. Ol el turǵyndarynyń, tipti azyq-túlik alý úshin de nesıe alatynyna qynjyldy.
Al Almaty oblysynyń Kerbulaq aýdanynda ótken kezdesýde partııanyń teń tóraǵasy, Májilis depýtattyǵyna kandıdat Dınara Shúkijanova: «Qazirgi saılaý kezeńi elimiz úshin erekshe, óıtkeni kóp jyldardan beri alǵash ret jańa partııalar tirkelip, saıası naýqanǵa belsendi túrde qatysyp jatyr. Biz – «Respublica» partııasy, bıznes ókilderi, saıası arenaǵa jańadan qadam basqanymyzǵa qaramastan eldi qalaı ózgertý kerektigin bilemiz. Biz shyn júrekten azat jáne gúldengen Qazaqstanda ómir súrgimiz keledi», dedi.
