Partııa ókilderi Ádiletti Qazaqstannyń basty baılyǵy adam ekenin atap ótti. «Halyq partııasy – sosıal-demokratııalyq baǵyttaǵy saıası kúsh. Ol halyqtyń múddesin bildiredi. Jańa Qazaqstanǵa jaldamaly qyzmetkerlerdiń áleýmettik jáne eńbek quqyǵyn tıisinshe qorǵaıtyn jańa Eńbek kodeksi qajet», dedi Astana qalalyq máslıhatynyń depýtattyǵyna úmitker Darhan Ramazanov.
Partııa eńbek adamyn únemi nazarda ustaıdy. Partııa jańa Eńbek kodeksin qabyldaýdy talap etedi. «Júk tasymaly salasynda názik jandardyń da eńbek etetinin bilemiz. Áıelderge 63 jasqa deıin jumys isteý ońaı emes. Sondyqtan biz áıelderdi 58 jasta zeınetke shyǵarýdy talap etemiz», dedi Parlament Májilisine kandıdat Nurdáýlet Orazhanov.
Al Parlament Májilisiniń depýtattyǵyna úmitker Irına Smırnova Kókshetaýdaǵy «Evrazııa grýpp Qazaqstan» kompanııasynyń ujymymen kezdesip, jınalǵandardy partııanyń saılaýaldy baǵdarlamasymen tanystyrdy.
I.Smırnova partııa elde qalyptasqan júıeni ózgertýdi talap etetinin, al halyq sapaly medısına men bilimge qol jetkizgisi keletinin aıtty. QHP saılaýaldy baǵdarlamasynda jastardy turǵyn úımen qamtý usynylǵan. Ol úsh sanat boıynsha júzege asady. Birinshisi – keıinnen satyp alý múmkindigimen jalǵa beriletin turǵyn úı. Baspanany jalǵa alý merzimi – 14 jyl. Ekinshisi – ıpotekalyq baǵdarlama arqyly jyldyq 4%-ben qoljetimdi turǵyn úı. Baspanany satyp alý merzimi – 14 jyl. Úshinshisi – QHP baǵdarlamasyna sáıkes keletin basqa qurylys salýshylardan jańa baspana jáne qaıtalama naryqtaǵy turǵyn úı. Munda da ıpotekalyq baǵdarlama arqyly jyldyq 4%-ben satyp alý múmkindigi qarastyrylady. Sondaı-aq turǵyn úı alańy 40 sharshy metrden 78 sharshy metrge deıin bolýy shart. Turǵyn úı kilti memleket as úı sórelerimen, kir jýǵysh mashınasymen, peshpen qamtamasyz etilgennen keıin tapsyrylýy qajet jáne turǵyn úılerge irgeles aýmaq balalar alańdarymen, avtoturaq oryndarymen jabdyqtalýǵa tıis. «Biz jastardyń sapaly ómir súrýine jaǵdaı jasaýymyz kerek», dedi I.Smırnova.
